Luka 23:41 - Amazwi Yakwe Leza 2013

⁴¹ Swemo catulingana ukuvunukwa, pano tukupokelela cilambu ciine ni milimo itu. Lelo pasi cintu cimwi ciipe cino umuntu wii wacita.”

Luka 23:41 ပူးပေါင်းရင်းမြစ်များ

2 Milandu 33:12

Umu kucula kuno wacuzile asuka aya umutontela ngozi nu kuicefya apakalamba pa manso yakwe Yawe Leza wakwe. Alino amupapata nu kumulenga kuti amuyele uluse.

Ezila 9:13

Vii vyonsi vyakutuzunya pamulandu wa maifyo ni viipe vitu vyasila, nga lelo swemo tumanyile ukuti wewe we Leza witu ukutuvunuka sile panono, ivitangalingana ni vicitwa vitu kuno yamwi pakasi kitu twatitupusuka.

Neemiya 9:3

Cila muntu aimilila apa ncende yao, ala yakuyawelengela mu Lupapulo lwa Masunde yakwe Yawe Leza wao. Apa nsa zitatu ala yakuwelenga nu kupituluka umu Masunde yakwe Yawe. Alino nupya apa nsa zyuze zitatu yafukama nu kupepa nu kuilongwela amaifyo kuli Yawe Leza wao.

Danieli 9:4

Napefile ku Mwene Leza wane nu kulongwela amaifyo ya antu. Napefile inti, “Owe mwe, we Mwene Leza mukulu nupya uwakoofya, wemuno ukawaka upangano wako nu kulanga ukutemwa kuli yayo akutemwa, yano yakayela amasunde yako.

Mateo 27:19

Lelo lino Pilato watenzi pa cilimba ca kuputwila milandu, muci atuma izwi kunoli ati, “Utacita cintu nanti cimwi ku muntu wiyo uwakaele, pano usiku nali nalota vintu vingi pamulandu wakwe.”

Mateo 27:24

Lino Pilato walola vino waposiwa cakucita, lelo kuluta kuti mpanzela ikatuke, atoola manzi afulala minwe pa manso yi umba avwanga ati, “Nemo insi na mulandu wa kukoma umuntu wii uwakaele. Mwemwe mumanye vyakucita.”

Mateo 27:4

Lyene ayanena ati, “Nati nifya pa kukoopa umuntu uwakaele kuti afwe.” Nao yamunena yati, “Uzye cico cingatusakamika? Wewe umanye vyakucita.”

Mateo 27:54

Musika wa mpuka ya vita na yano wali nao, alindanga Yesu, yuvwa cilundumusi nu kulola vyonsi vyacitike. Alino yuvwa intete nga yavwanga yati, “Cumi, wene wali Mwana wakwe Leza!”

Luka 23:40

Lelo icipondo cuze cimukalipila citi, “Uzye wemo usyaopa Leza? Pasi pano nawe kwene uli mu uvunuko uli onga uwakufwa?

Luka 23:42

Lyene civwanga citi, “We Yesu ukanjiusye lino uliza na maka mu Wene wako.”

1 Tesalonika 2:10

Mwemo pali pamwi na Leza mwemwe yakambone itu ukuti micitile itu kunomuli yali yamuzilo, yololoke, nupya yaula mulandu.

Yakobo 4:7

Caleka, mwayela Leza. Mwakanya Ciwa, nawe aluutuka kufuma kunomuli.

1 Petulo 1:19

Lelo yene uwazi wamutengo wa mpolelwa yakwe Klistu, wino wakoline wa mwana wa mfwele uwaula indema nanti iyala.

1 Petulo 2:23

Na lino yamutusile, wene atavwanzile vya cilanduzi. Lelo wene wapaalilanga muli Leza, kapingula uwaula lufyengo.