Luka 23:25 - Amazwi Yakwe Leza 2013

²⁵ Ayasapwila umuntu wino yalondanga, wiyo uwanyefilwe pamulandu wa kusangukila uteko nga na pamulandu wa kukoma. Lelo apeela Yesu kunoyali, kuti yacite mwaelile kulonda kwao.

Luka 23:25 ပူးပေါင်းရင်းမြစ်များ

Esita 3:11

Umwene anena Hamani ati, “Nakupeela impiya zyako, pamwi nu mutundu kwene uo, ukuti uyaombele vyonsi vino ungatemwa ukuyaombela.”

Mateo 27:26

Lyene ayasapwila Balaba, lelo apingula kuti yume Yesu vikoti, nga ayapeela kuti yamutane pa lupanda.

Mako 15:15

Pilato walondanga kuzanzya iumba. Caleka ayasapwila Balaba. Lyene apingula kuti yume Yesu vikoti, nga ayapeela kuti yamutane pa lupanda.

Luka 23:2

Alino yatandika kumulongwela, yati, “Twazana ukuti umuntu wii akutunkola antu amu luko lwitu kuti yatasonka musonko kuli Kesa nu kuilanda vino wene ali Katuula uwalavilwe.”

Luka 23:24

Caleka Pilato apingula ukulingana na vino yalondanga.

Luka 23:26

Lyene lino asilika yasenda Yesu, umu nzila iyalema Simoni uwaku Kuleni, ala akwiza mu musumba kufuma mu mpanga. Alino yamutwika lupanda kuti asende alondele Yesu cisila.

Luka 23:5

Lelo yene yakomapo kulanda yati, “Usambilizyo wakwe ukasongelekanya antu yonsi amu mpanga ya Yudeya. Watandike ku Galile lyene wataiza na kuno.”

Yoane 18:40

Nao yasanzika mazwi yao, yaasuka yati, “Awe, wene foo! Tukulonda Balaba!” (Balaba wali cipondo.)

Yoane 19:16

Lyene Pilato amupeela kunoyali kuti atanwe pa lupanda. Caleka asilika yasenda Yesu.

Milimo 3:14

Yesu wali uwamuzilo nupya mololoke, lelo mwemo mwamukanyile, nga mulenga Pilato kuti amusapwile inkomi mu cifulo cakwe.

1 Samueli 12:13

“Aleni fwandi wii ali mwene wino mwasolwile, wino mwalenzile, nupya wino Yawe walasika uwene pali mwemwe.