Luka 22:63 - Amazwi Yakwe Leza 2013

⁶³ Antu alindanga Yesu yamusaalula nu kumuma.

Luka 22:63 ပူးပေါင်းရင်းမြစ်များ

Masamu 22:13

Yatiyangasamila utunwa wakwe yacisama, akulila nu kulumanya incecete apakuti yandepole.

Masamu 35:25

Utaleka yavwanga yati, “Eya! Ali cino twalondanga! Asi papo lyene twamucimvya.”

Ezaya 49:7

Yawe wavwanga wati, Umuntu umwi wino antu yasuulisya wakwe cimwi, wino imitundu ya antu yapatisya, wino na yamwene alukang'ansi yateeka uzya, ali wino Yawe Katuula nupya Wamuzilo wilya wakwe Izlaeli, akunena ati, “Lino yamwene yalalola kuno wakululwa, yene yalakatuka nu kukucindika. Intunguluzi nazyo kwene zilakatuka nu kukufukamila, apa kukucindika. Pano uwakusolola anene, ne Yawe uwatailwa, Wamuzilo wilya wakwe Izlaeli.”

Ezaya 52:14

Antu aingi cayaputwile umusana pa kumulola, pano icata cakwe cali icivulungane apakumutakanya kwati asi muntu.

Ezaya 53:3

Wasaalukanga nu kusulwa ku antu, wali umuntu wa ulanda, wene uvwanga ukali. Swemo twamusuuzile cakuti tutalondanga nu kumulolekesya, pano tutamwikanga pa untu foo.

Mika 5:1

Lyene konganikini impuka zya vita, mwe ikazi yaku Yelusalemu, pano anisi yatiyatuteyamila. Yene yakupoola intunguluzi ya ina Izlaeli umunzekete ni mbuungo.

Luka 22:62

Alino Petulo afumila panzi, nga alila minsozi nu ulanda ukulu cuze.

Yoane 18:19

Simapepo Mukulu auzya Yesu pamulandu wa alondezi yakwe, nga na pamulandu wa usambilizyo wakwe.

Yoane 18:22

Lino Yesu wavwanga cii, musilika umwi uwaimi pipi amuma ulupi ati, “Uzye avino ungavwanga kuli Simapepo Mukulu?”

Ayebulai 12:2

Lekini twike manso pali Yesu, wino utailo witu wimililapo kufuma kukutandika kufika nu ku mpela. Wene atanenwike pamulandu wa mfwa ya pa lupanda! Wene atelenginye cimwi pa kuzewana kwa mfwa ya pa lupanda, pamulandu wa luzango luno lwali nkolelo. Ndakai atenzi kwi kasa lilunji lya cilimba cakwe Leza.

1 Petulo 2:23

Na lino yamutusile, wene atavwanzile vya cilanduzi. Lelo wene wapaalilanga muli Leza, kapingula uwaula lufyengo.