Luka 22:30 - Amazwi Yakwe Leza 2013

³⁰ Mulalya nu kumwa pa cipango cane mu Wene wane, nga nu kwikala pa vilimba vya wene nu kupingula imitundu ikumi na iili ya ina Izlaeli.

Luka 22:30 ပူးပေါင်းရင်းမြစ်များ

2 Samueli 19:28

Akazi kakwe tata cayalinga ukukomwa, lelo nemo wampiile insambu iya kulya api tebulo lyako. Nupya insi ni nsambu iya kukulenga kuti inje nu longo naluze ukufuma kunuli, we mwene wakwisaci.”

Masamu 49:14

Ala yene intipu zyao, izya kufwa wa mfwele umu citata. Nupya imfwa kwene, ali mucemi wao, na antu alungame ali yano yakayateeka. Lino ulaca ucindami wao ulongoloka, ni cifulo cao, umwi lindi.

Mateo 19:28

Yesu nawe ayanena ati, “Cumi namunena vino mu manda akwiza, mu nsi ipya, Mwana wa Muntu alikala pa cilimba cakwe ca wene ca lulumbi. Namwe kwene mwe muno mukamulondela, mulikala pa vilimba ikumi na viili vya wene nu kupingula inko zya Izlaeli ikumi na ziili.

Mateo 5:3

“Alongo antu yano mu myenzo yao yakailola vino yene apina. Pano Uwene wa mwiyulu uwakwao.

Mateo 8:11

Cumi namunena nati, nayauze aingi yalafuma mu nsi yonsi nu kwikala pali pamwi na Abulaamu na Isaki na Yakobo mu Wene wa mwiyulu.

Luka 12:37

Alongo aomvi yano mwene wao alazana yakupempula pa kwiza kwakwe! Namunena vino, wene alazula mwingila wakwe, nu kuyalenga kuti ikale pansi, nga ayapeele ivyakulya.

Luka 14:15

Lino wenga uwa muli yao atenzi pamwi nawe pa kulya uvwile cii, anena Yesu ati, “Walongo a wiyo alimulwa mu Wene wakwe Leza!”

2 Timoti 2:12

Ndi twatwalilila kuposya, ale lyene tulateeka pamwi nawe. Ndi twamukana, ale nawe kwene alatukana.

Yakobo 1:1

Kalata kufuma kuli ne Yakobo, muomvi wakwe Leza nu wa Mwene Yesu Klistu. Nkulamuka antu yakwe Leza yonsi mitundu ikumi na ili asalangana konsi mu nsi.

Umbwilo 19:9

Alino mungeli anena ati, “Lemba uti, Alongo ayao aamwa ku cimulo ca winga wa Mwana wa mfwele.” Mungeli alundapo kulanda ati, “Yaa amazwi ya cumi yakwe Leza.”

Umbwilo 3:21

Yao alacimvya ndayapeela insambu ya kwikala nani pa cilimba cane ca wene, ndi vino nani nacimvizye nu kwikala pamwi na Tata pa cilimba cakwe ca wene.

Umbwilo 4:4

Kuzinguluka cilimba kwali vilimba vyuze makumi yaili na vini, pano patenzi aikolo makumi yaili na yani yala yazwite nsalu zitiswe nga ni ngala zyakwe zaabu.