Luka 22:19 - Amazwi Yakwe Leza 2013

¹⁹ Alino atoola umukate ataizya Leza, aumokoola, alino aupela kunoyali, avwanga ati, “Uu uli mwili wane, uwapeelwa pamulandu winu. Mwacita cii pa kunjiusya.”

Luka 22:19 ပူးပေါင်းရင်းမြစ်များ

Masamu 111:4

Umwene asileka ukuti twailila kwene uku vizungusyo vyakwe, wene wakwatisya uluse ni nkumbu.

Lwimbo lwakwe Solomoni 1:4

Nsenda sile, tuye tuutuke, tupitisye! We mwene wane njingizya mu muputule wako, uleke swensi tuzange nu kusansamukila munuli. Twawanzya ulukundo lwako luno lwaluta waini. Acino anaci yonsi yakutemelwa.

Ezekelo 37:11

Alino Yawe anena ati, “We mwana wa muntu, ala aina Izlaeli yaya wa mafupa yaa. Yene yakati, ‘Swemo tuuma solokoto wa mafupa kwene yayo, nu upaalilo kutacikweti, foo; Twala twalowelela sile.’

Ezekelo 5:5

Yawe Simwandalali akuti, “Wii ali Yelusalemu wino niika pakasi ka mitundu, ni mpanga zyenyi zyamuzinguluka.

Danieli 2:38

Wene wika antu ni vinyama vya mpanga ni vyunyi vya mulwelele mu makasa yako. Konsi kuno vikaikala wewe uli kateeka wakwevyo vyonsi. Wewe uli mutwe ulya wakwe zaabu.

Mateo 14:19

Alino apeela ilamulo ku antu kuti ikale pa masote. Alino Yesu atoola mikate isano ni nswi ziili, alingamila kwiyulu, ataizya kuli Leza. Lyene amokoola mikate, nga apeela alondezi yakwe nga nao yapela antu.

Mateo 15:36

Lyene atoola mikate cinimbali nu tuswi, nga pacisila ca kutaizya kuli Leza, aimokoola, apeela alondezi yakwe, nao yapela kwi iumba.

Luka 22:17

Lyene Yesu atoola ulwako, ataizya Leza, avwanga ati, “Tolini lwako luu, nu kumwamo mwensi kwene.]

Luka 22:20

Mu musango uli onga kwene, lino yamala ukulya ayapeela lwako, avwanga ati, “Lwako luu ulwa upangano upya uno Leza watamapo insimbi nu wazi wane, uno wapongololwa pamulandu winu.”

Luka 24:30

Lyene lino watenzi nao pa cakulya, atoola mukate, ataizya, aumokoola, alino aupela kunoyali.

Yoane 6:23

Alino amato na yauze, yao afumile ku Tibelyasi, yasuka iiza. Pali pipi na pa ncende pano Mwene wataizye kuli Leza pa mukate nu kupeela iumba kuti lilye.

Yoane 6:51

Nene kwene indi cakulya icikapela umi cino ciiza pano pansi kufuma kwiyulu. Muntu ndi walya cakulya cii, wene alaya nu umi wape. Umwili wane uli cakulya ca umi uno nkapela ku antu yonsi amu nsi kuti yaye nu umi.”

1 Kolinto 10:16

Pa Cimulo ca Mwene, lino tukamwa mu lwako nu kutaizya Leza, uzye tusyakumako ku kwankana wazi wakwe Klistu? Lino tukamokoola umukate nu kulya, uzye tusyakumako ku kwankana mwili wakwe Klistu?

1 Kolinto 10:4

nga nu kumwa cakumwa cili cimwi ca umupasi, cino yamwanga kufuma mu mulunda wa umupasi uno wapitanga nayo. Nu mulunda uo wali a Klistu umwisikulu.

Galatiya 1:4

Klistu waipile mwisikulu wa mpolelwa umulandu wa maifyo itu, pakuti tungakululwa ku mukulo uu, uwipe. Wene wacisile cii, mu kuyela Leza witu ali Tata.

Galatiya 4:25

Haga, wino akwimilila Mwamba wa Sinai mu Alabya, wene icikope ca musumba Yelusalemu ulipo ndakai, uno uli mu uzya pamwi na antu yonsi aikala mwenemo.

Efeso 5:2

Lekini umi winu watungululwa nu kutemwa, wakwe vino Klistu watutemilwe nu kupeela umi wakwe pamulandu witu, kuti uye mununko usuma uwa mpolelwa ino ikazanzya Leza.

1 Tesalonika 5:18

nupya mwataizya Leza muli vyonsi. Vii avino Leza akalonda kuti mwacita mu umi winu muli Klistu Yesu.

Tito 2:14

Wene waipile umwisikulu pamulandu witu, kuti atukulule kufuma ku nkota zyonsi nu kutucita asanguluke nupya akwakwe wenga sile, nga nu kuleka kuti tuye nu muzonda wakucita visuma.

1 Petulo 2:24

Klistu umwisikulu wasenzile cisendo ca maifyo itu mu mwili wakwe. Wene watanyilwe pa lupanda pakuti swemo tute ukwifya tutandike kucita vyawololoke. Vitotwa ni vyumo vyakwe ivikatupozya.