Luka 22:17 - Amazwi Yakwe Leza 2013

¹⁷ Lyene Yesu atoola ulwako, ataizya Leza, avwanga ati, “Tolini lwako luu, nu kumwamo mwensi kwene.]

Luka 22:17 ပူးပေါင်းရင်းမြစ်များ

Masamu 116:13

Nemo namatuula sile kuli Yawe uwila wakwe waini pakumutaizya apakumpususya.

Masamu 23:5

Wemo ukanjimula pa manso ya anisi yane. Ukampaka na mafuta uku mutwe wane, nu lwako lwane iluzula nu kusambela!

Yelemiya 16:7

Kutalaya nanti wenga uwakumokwela umukate kuli yano yakulosya apakuyatekezya umwenzo pali yano afwililwe. Kutalaya nanti wenga wakumumwesya amanzi akumutonsya ku mwenzo apa kulosya isi nanti nyina.”

Mateo 14:19

Alino apeela ilamulo ku antu kuti ikale pa masote. Alino Yesu atoola mikate isano ni nswi ziili, alingamila kwiyulu, ataizya kuli Leza. Lyene amokoola mikate, nga apeela alondezi yakwe nga nao yapela antu.

Mateo 15:36

Lyene atoola mikate cinimbali nu tuswi, nga pacisila ca kutaizya kuli Leza, aimokoola, apeela alondezi yakwe, nao yapela kwi iumba.

Mateo 26:26

Walanga yacili yakulya, Yesu atoola mukate, ataizya Leza, aumokoola, alino aupela ku alondezi yakwe avwanga ati, “Tolini mulye, uu uli mwili wane.”

Mako 14:22

Walanga yacili yakulya, Yesu atoola mukate, ataizya Leza, aumokoola, alino aupela ku alondezi yakwe. Lyene avwanga ati, “Tolini, uu uli mwili wane.”

Luka 22:19

Alino atoola umukate ataizya Leza, aumokoola, alino aupela kunoyali, avwanga ati, “Uu uli mwili wane, uwapeelwa pamulandu winu. Mwacita cii pa kunjiusya.”

Luka 9:16

Alino Yesu atoola mikate isano ni inswi ziili, alingamila kwiyulu, ataizya kuli Leza. Lyene amokoola mikate, apeela alondezi yakwe kuti yankanye antu.

Loma 14:6

Wino wensi akacindikisya uwanda umwi, wene akacita cii mu kucindikilamo Mwene. Na wino wensi akalya cilyo cili consi wene akacita cii mukucindikilamo Mwene, pano akataizya Leza pa cilyo. Na wino wensi akakana kulya vintu vimwi, wene akacita cii mukucindikilamo Mwene nga nu kutaizya Leza.

1 Kolinto 10:16

Pa Cimulo ca Mwene, lino tukamwa mu lwako nu kutaizya Leza, uzye tusyakumako ku kwankana wazi wakwe Klistu? Lino tukamokoola umukate nu kulya, uzye tusyakumako ku kwankana mwili wakwe Klistu?

1 Kolinto 11:23

Pano usambilizyo uno namupiile naupokelile kufuma ku Mwene, uwakuti Mwene Yesu, pa wanda uno yamukoofile usiku, watozile mukate,

Malango 8:10

Mulailyokezya vyonsi vino mulalonda ukulya, nga nalino mwikuta muce mwataizya Yawe Leza winu pa kumupeela impanga ivunde ino wamupeela.

1 Samueli 9:13

Lino mumaingila mu musumba mumamuzana ale atacili aye pa kavuwa pa mwamba ku kulya. Antu yatangatandika ukulya lino wene atacili waya kweneko, pano wene alinzile apolelele impolelwa lino yao amilwe yatali yalye. Fwandi pitini mutumbele umwamba, nga mumaya mukamuzane likwene.”