Luka 21:24 - Amazwi Yakwe Leza 2013

²⁴ Yamwi yalakomwa ku mpaanga nu kusendwa mu uzya ku nko zyonsi, nga na Yelusalemu alalyatolwa na antu atataila Leza kufika lino kasita kao kalasila.

Luka 21:24 ပူးပေါင်းရင်းမြစ်များ

Utandiko 34:26

Yakoma na Hamoli na Syekemu umwana wakwe umonsi, yasenda na Dina ukufuma mu ng'anda mwakwe Syekemu, yapita.

Kufuma 17:13

Mu musango kwene uu Yoswa acimvya aina Amaleke.

Ezaya 5:5

“Fwandi lyene vino nemo namacita icalo cane ica matingi aevi. Namafumya icimpinda nu kuongolola ulupungu lwa mawe, uleke inyama zya mpanga zingile zyalya mwenemo nu kulyatolola mwenemo.

Ezaya 63:18

Swe antu yako amuzilo tuli ungati anisi itu yatusalanganyizizya insi yonsi, nu kukowezya yatiyakowezya incende yamuzilo yakwako.

Ezaya 66:12

Yawe akuti, “Nemo ndamuletela isyuko lya pee, ni vyuma vya mitundu yonsi vimaizanga kunomuli. Vimafumfumukanga wa manzi amu luzi ulukupita lyonsi. Mumaya wa kana kano kakusungwa na nyina, kano kasenzilwe pa minwe yakwe, nu kukasunsuntila.

Ezaya 66:19

“Alino lyene yalasininkizya ukuti anene kwene nayafulula. Ndayapeela icimanyililo nu kutuma yamwi pali yano ndapususya, ku mitundu ni mpanga zya patali zino zitatala zyuvwa ukuzyansya kwane nanti ukulola ucindami na maka yane. Impanga zyonsi izili wakwe Tasyisyi, Libya na Lidya umwaya ya fundi ya makuule. Alino nu ku Tubali na Gilisi kuko ali kuno yalaalanda vya lulumbi lwane.

Nyimbo zya ndosya 1:15

“Asilika itu yonsi aakama, Yawe wayasuuzile wakwe cimwi. Wene ali pakutuma ivita vyakwiza komola alumendo itu. Antu itu yonsi ampomvu wayavungola pyu wa matingi mu cifenelo cakwe.

Danieli 12:7

Umuntu wilya uwazwite insalu itelepelele, uwali lwa kupela ya luzi, atumpula amakasa yakwe mupela nga alaya nu mulapo umwi zina lyakwe Leza wa manda pe. Lyene nani inuvwa kuno akuti, “Cilaya umu kasita, mu tusita na citika wa kasita. Lino kuzunyiwa kwa antu yakwe Leza kulasila, ivintu vii vyonsi ale vyacitika mpiti.”

Danieli 8:13

Lyene nuvwile umungeli wenga akuuzya umuze ati, “Uzye ivintu vii ivyalolike mu cilolwa vimatwalilila ukufika lilaci? Uzye ukufika lilaci lino uyi wakofya ulatwalilila umu cifulo ca kupeela impolelwa zya cila wanda? Uzye amu mayulu kumwi ni Ng'anda ikulu yakwe Leza yalalyatolwa ukufika lilaci?”

Danieli 9:27

Kateeka wilya alacita cipangano ningo na antu avule pa myaka cinimbali, nga lino citika wa nsita ii wapita, wene alaleta impela ku kupeela kwa mpolelwa na mawila. Caononyi Cawinyi cene cilimikwa pa kansonsi ka Ng'anda ikulu yakwe Leza nga cilasyala papa kwene ukufika lino impela ino Leza wamuteyanyizizya ilafika.”

Malaki 1:11

Antu aikala amasi yonsi yalancindika. Konsi kwene antu yalaoca ubani nu kupeela amawila aswefiwe mwi zina lyane. Pasi pano antu amu nko zizyo yalancindika.

Luka 21:25

“Kulaya vilangililo vyakuzunguka pi lanzi, mwezi, ni ntanda. Muno nsi, antu amu nko zyonsi yaloofiwa nu kupelelwa pamulandu wakukatuka kwa maimbi nga nu kululuma kwakwe yemba.

Loma 11:25

Kuli nkama ya cumi, inane, ino nkasi mumanye kuti mutize mwaelenganya ukuti mwemwe yamano. Inkama iyakuti, ukukoma kwa myenzo ya ina Izlaeli kusi kwa manda pe, lelo kulatwalilila kufika pa nsita ino Akulukuwa yonsi asolwa iiza kuli Leza.

Ayebulai 11:34

yazimizye moto uwipisye nu kutuulwa ku kukomwa ku lupanga. Nanti angala yali atonte yene yapilwe maka nga yaya akome. Mu nkondo yali na maka cuze, nupya yacimvizye vita vya inamasi.

Umbwilo 11:2

Lelo utapima misolo ya kunzi, pano yene yapeelwa ku antu Akulukuwa, yene yalalyatola Musumba Wamuzilo kulingana ni myezi makumi yani na iili.