Luka 21:22 - Amazwi Yakwe Leza 2013

²² Pano yao yalaya manda ya cilanduzi, pakuti vyonsi ivyalembwa mu malembelo vifikiliziwe.

Luka 21:22 ပူးပေါင်းရင်းမြစ်များ

Ezaya 34:8

Ilaya ili nsita ino Yawe alapususizyamo Zioni, nu kulandwilapo anisi yakwe.

Ezaya 61:2

Wantuma nene apakuti indande ukuti insita lyene yatifika ino Leza alapususya antu yakwe, ino alacimvizyako anisi yao. Wantuma na pakuti inamyalalikako yano yakulosya.

Ezaya 63:4

Pano nemo nali nalola ukuti insita yatifika lyene iyaku kulula antu yane, nupya ali nsita kwene yakufulula anisi yao.

Yelemiya 51:6

Puukini mufume kuko ku Babiloni. Cila muntu apususye umi wakwe. Mutaleka mulowelele pamulandu wa uyi wakwe. Insita ya cilanduzi cakwe Yawe yakulinganya pali vino yacisile yatifika.

Oseya 9:7

Insita ya kuvunukwa yatiyiza, amanda ya kulipilwa yatiyafika. Lyene yalamanya ukuti ivintu kwene vii vyacumi. Ndakai yakuvwanga yati, “Kasema wii wapena, umuntu uwa mano yakwe Leza iciwelewele!” Pamulandu wakuti ukwifya kwao ukukulu, yene yampata wakwe cimwi.

Malaki 4:1

Yawe Wamaka yonsi wavwanga wati, “Cumi kwene uwanda ukwiza lino antu yonsi acilumba na yakacita yankota yonsi yalapya wa mapelele. Pa wanda ulya yene yalapya pyu, mpaka yasyale itwi litupu.

Mateo 1:22

Vintu vii vyonsi vyacitike kuti cifikiliziwe cino Mwene walanzile kupitila muli kasema ati,

Loma 2:5

Lelo wakoma umwenzo, nupya usyalonda kuzenzuka. Caleka ukaitulikila sile ukali wakwe Leza uno alalanga pa Wanda wa upinguzi wakwe wa cumi.

Malango 32:34

“Yawe akaiusya vino anisi yao yacita, nu kuvisunga mukulolela insita isuma iya kuyavunuka.

Malango 32:43

“Mwe antu amu nko zyonsi, mulinzile mwalumbanya antu yakwe Yawe, pano wene alavunuka yonsi yao alayakoma. Wene akacita cilanduzi pa anisi yakwe. Nu kwelela amaifyo ya mpanga na ya antu yakwe.”

2 Petulo 2:9

Cii cikalanga ukuti Leza wamanya ivya kutuula antu asuma ku kweziwa kwao, nga ni vya kuvunuka antu aipe lino yacili yakulolela Wanda wa upinguzi.

2 Petulo 3:7

Lelo izwi lyakwe Leza ilyasunga mayulu nga ni nsi ino ilipo ilelo, kufika lino vilononwa nu moto. Vyene vyasungwa kufika pa wanda uno yakaifya yalapingulwa nu kononwa.