Luka 20:35 - Amazwi Yakwe Leza 2013

³⁵ Lelo yao yano calinga kuzyukuka kufuma ku afwe nu kwikala pamwi na Leza mu umi upya, yene yatalatwala nanti kutwalwa.

Luka 20:35 ပူးပေါင်းရင်းမြစ်များ

Mateo 12:32

Wino wensi alavwanga mazwi aipe pa Mwana wa Muntu angelelwa. Lelo wino wensi alavwanga mazwi aipe pali Mupasi Wamuzilo wene atalelelwa, ndakai ni nsita ikwiza.

Mateo 22:29

Yesu nawe aasuka ati, “Mwaponga, pano mutamanya malembelo, nanti maka yakwe Leza.

Mako 10:42

Caleka Yesu aama yonsi pali pamwi ayanena ati, “Mwamanya ukuti yakateeka ya antu atataila Leza yakwata maka pa antu yao, nga ni ntunguluzi zyao nazyo zyakwata uwangalizi.

Mako 12:24

Yesu nawe ayaasuka ati, “Uzye asi cino mwapongela! Pano mutamanya malembelo nanti maka yakwe Leza?

Luka 16:8

“Lyene mwene alumbanya kangalila uwali incenjezi pamulandu wakucenjela kwakwe, pano antu alondela vyamu nsi ii, amisango ili yonga, yacenjela kuluta antu yano yakapita mu luswepo lwakwe Leza.”

Luka 21:36

Acino pempulini nu kupepa nsita zyonsi pakuti muye na maka a kuutuka ku vintu vyonsi iviliza vicitike, nga nu kwimilila pa manso ya Mwana wa Muntu.”

Yoane 5:29

Yano acitanga visuma yalazyukuka yaye nu umi. Na yano acitanga viipe yalazyukuka nu kuvunukwa.

Milimo 24:15

Nakwata upaalilo muli Leza uli umwi na uno yene yakweti, uwakuti antu onsi, asuma na aipe, yalazyukuka kufuma ku afwe.

Milimo 5:41

Atumwa nao yafuma mwi Tengo, yazanga cuze, pano Leza wayapendile kuya alinge kusulwa pamulandu wi zina lyakwe Yesu.

2 Tesalonika 1:5

Vii vyonsi vikalanga ukuti upinguzi wakwe Leza usi wa lufyengo, nga nu kuti wene akumucita kuya alinge kukuma ku Wene wakwe.

Ayebulai 11:35

Pakuya nu utailo anaci yamwi yapokelile akazi kao yano azyukwike kufuma ku afwe. Yauze nao yayacuzizye cuze suka yafwa, kwaula kuzumila kuti yasapulwe yaye antungwa. Yene yacisile cii kuti lino yalazyukuka yace yaye nu umi usuma.

Umbwilo 3:4

Lelo pali yamwi anono sile amunomuli amu Sadisi yano atakowezya vyakuzwala vyao. Yene yalapita pamwi nani yala yazwite vizwalo vitiswe, pano cati ciyalinga kucita vivyo.