Luka 2:46 - Amazwi Yakwe Leza 2013

⁴⁶ Pa wanda uwalenga yatatu alino yamuzana mu Ng'anda ikulu yakwe Leza, ala atenzi na yakasambilizya, akuuvwa nu kuuzya mauzyo.

Luka 2:46 ပူးပေါင်းရင်းမြစ်များ

1 Yamwene 12:12

Lino papita amanda yatatu, Yeloboamu na antu yonsi yaswilila kuli Leoboamu, wakwe vino umwene wayanenyile ati, “Muce muwele ndi papita amanda yatatu.”

1 Yamwene 12:5

Leoboamu nawe pali pakwasuka ati, “Tala pitangini nga muce muwele kunondi ndi papita amanda yatatu.” Acino antu yalya iyapita.

Ezaya 50:4

Yawe Simwandalali wampile ululimi lwa kumanya vyakulanda, apakuti ningakomelezya yayo atovoke. Cila katondo akanzyula, nu kuleka amatwi yane yatezye, wa muntu akusambilila.

Mateo 12:40

Pano wakwe vino Yona waizi munda ya ciswi amanda yatatu musanya nu usiku, avino nu Mwana wa Muntu alalala mu musili amanda yatatu musanya nu usiku.

Mateo 16:21

Kufuma pa nsita kwene ilya nu kutwalilila, Yesu atandika kunena alondezi yakwe paswe ati, “Indi nu kuya ku Yelusalemu, kuno ndapelwa mu makasa ya ikolo ya Ayuda, yasimapepo akalamba na yakasambilizya ya Masunde, yano alancuzya cuze. Yalankoma, lelo pa wanda uwalenga yatatu ndazyukuka nu kuya nu umi.”

Luka 2:47

Onsi amuvwile yazunguka pa kwaasuka kwakwe kwa mano.

Luka 5:17

Uwanda umwi lino Yesu wasambilizyanga, Afaliseo na yakasambilizya ya Masunde yamwi apano yali. Yene yafumile mu mizi yonsi yamu Galile nu mu Yudeya nu ku Yelusalemu. Wene wapilwe amaka ya Mwene akupozya alwale.

Yoane 3:10

Yesu amunena ati, “Wewe kasambilizya mukalamba uwa ina Izlaeli, uzye utamanyile vintu vii?

Milimo 5:34

Lelo wenga uwa munoyali, Mufaliseo izina lyakwe Gamalieli, uwali a kasambilizya wa Masunde wino antu yonsi yacindike cuze, aimilila mwi Tengo. Alino apeela ilamulo kuti yatale yafumye atumwa panzi.

1 Timoti 1:7

Yene yakalonda kuya yakasambilizya ya Masunde yakwe Leza, lelo yatamanya vino yakalandapo nanti cumi pano iimilila.