Luka 2:40 - Amazwi Yakwe Leza 2013

⁴⁰ Mwana akula, akomeleka aya na mano, nga Leza nawe amupolelela.

Luka 2:40 ပူးပေါင်းရင်းမြစ်များ

Masamu 22:9

Ala awewe kwene wamfumizye umunda muli mayo, nga lino nali akanya, wancingilile.

Masamu 45:2

Wemo wewe monsi umwi umusuma ukuluta yonsi nupya wewe kavwanga umwi akavwanga usaka sana. Umu cumi, Leza wakupolelela insita zyonsi.

Luka 1:80

Lino Yoane wakulanga, Mupasi Wamuzilo wamupile maka akulu cuze. Watenzi mu lwanga kufika uwanda uno wizile aloleka paswe ku ina Izlaeli.

Luka 2:47

Onsi amuvwile yazunguka pa kwaasuka kwakwe kwa mano.

Luka 2:52

Yesu wakulanga ku mwili nu mu mano, ala akutemwikwa na Leza nga na antu.

Yoane 1:14

Izwi wiya wizile aya umuntu, wino uwa zuziwemo cikuku nga ni cumi, nupya wizile aikala pamwi naswe. Twaweni lulumbi lwakwe lwakuya Mwana wenga sile kufuma kuli Leza Tata.

Milimo 4:33

Lyene atumwa yatwalilila ukupeela umboni pamulandu wa kuzyukuka kwa Mwene Yesu, nga ni cikuku cakwe Leza cali panoyali onsi.

Efeso 6:10

Mukusyalikizya, lekini maka yakwe Leza yamukomelezya.

2 Timoti 2:1

Timoti, we mwanane mu utailo. Komeleka mu cikuku cino twakwata muli Klistu Yesu.

Yakapingula 13:24

Umwanaci wilya pali pakwiza vyala umwana umonsi nga amutemela izina ati a Samusoni. Umulumendo wilya akula nga Yawe amupolelela,

1 Samueli 2:18

Lelo Samueli watwalilile ukutumikila Yawe, ala acili umulumendo sile nupya wazwalanga cakuzwala ca efodi icapangilwa ku nsalu itelepelele.

1 Samueli 2:21

Yawe nawe pali pakuvwila Hana uluse. Hana aca akwatilapo ana nayauze, aonsi yatatu na anaci yaili. Lelo Samueli wene akula umu kutumikila Yawe.

1 Samueli 2:26

Umulumendo Samueli ala akukulila kweneko umu ciimo alino nu kutemwikwa kuli Yawe nu ku antu.

1 Samueli 3:19

Lino Samueli akukula, Yawe wali nawe, nga kutali izwi nanti lyonga pa mazwi yano walandanga lino litafikiliziwe.