Luka 2:37 - Amazwi Yakwe Leza 2013

³⁷ Wene wali a mukamfwilwa uwa myaka makumi cinani na ini. Atatazile ataawe kuya ku Ng'anda ikulu yakwe Leza nupya watemilwe kutumikila Leza, nupya lili lingi pa kupepa Leza wapitanga kwaula kulya musanya nu usiku.

Luka 2:37 ပူးပေါင်းရင်းမြစ်များ

Masamu 22:2

Leza wane, muno nali nkupunda kasanya konsi lelo ukwaula kuti ungasuke. Nanti usiku kwene, ntange indole utulo!

Masamu 23:6

Icumi kwene usuma wako nu kutemwa kwako, vyaya pali nene amanda yonsi aumi wane. Ni sano lyako we Yawe, uli wikalo wane umu umi wane onsi.

Masamu 27:4

Nalenga icintu conga kuli Yawe cico sile cino nkalonda icakuti ningaikala, umu Ng'anda yakwe Yawe, amanda sile yonsi aumi wane, nu kulasyukila usuma wakwe Yawe, alino nu kuleka aliwe sile ampanda amano umu Ng'anda yakwe.

Masamu 84:10

Ukwikala wanda onga umwi sano lyako kwaluta amanda izimbi lyonga ukwikala kuze. Nupya ukwikala pa mulyango wa ng'anda yako we Leza, kwazipisya penepo ukucila ukwikala umu mang'anda ya antu aipe.

Masamu 84:4

Alongo antu yano yikala umu ng'anda yako, akakulumbanya insita yonsi.

Masamu 92:13

Kwati imiti ino yalema umu ng'anda yakwe Yawe, ino ikakula ningo mu misolo ya Ng'anda ikulu yakwe Leza witu.

Kufuma 38:8

Lyene yapanga muyeza wa mukuwa uwakufulalila, pamwi ni citende cakwe ukufuma ku vilola vya anaci yano yatumikilanga pa mulyango wi Taalu lya Ukongano kuno Yawe wakomenkananga na antu yakwe.

Luka 5:33

Lyene antu yalya yanena Yesu yati, “Alondezi yakwe Yoane na alondezi ya Afaliseo yakaizilizya ukulya lili lingi, nga nu kupepa. Lelo alondezi yako yene yakalya nu kumwa.”

Milimo 13:3

Lyene lino yaizilizya ukulya, nu kupepa, iika makasa yao panoyali, yayatuma.

Milimo 14:23

Muli cila uvi yasontamo aikolo yi uvi. Alino yaizilizya ukulya, yapepa, yaika mu makasa ya Mwene, wino yatailamo.

Milimo 26:7

ulayo kwene uno mitundu itu yonsi ikumi na iili, ino ikatumikila Leza ikapaalila kupokelela lino ikupepa usiku nu musanya. Pamulandu wa upaalilo kwene uu, we Mwene wa kwisaci, auno Ayuda yakundongwelapo!

1 Timoti 5:5

Mukamfwilwa wino uwaikalila, nupya atakwata umwi uwakumusunga, wene wika upaalilo wakwe muli Leza nupya akapepa usiku nu musanya kuti Leza amwazwa.

Umbwilo 3:12

Wino alacimvya ndamucita lupanda mu ng'anda ikulu yakwe Leza wane, nga nawe atalatala afumemo. Panoli ndalemba izina lyakwe Leza wane nga ni zina lya musumba wakwe Leza. Musumba uwo a Yelusalemu mupya, uno ukwika kwiyulu kufuma kuli Leza wane. Nupya panoli ndalemba izina lyane ilipya.

Umbwilo 7:15

Uli mulandu uno yati iimilila nkolelo ya cilimba ca wene cakwe Leza nu kumutumikila musanya nu usiku mu Ng'anda ikulu yakwe Leza. Wino atenzi pa cilimba ca wene alayacingilila pa kuya nao.

1 Samueli 2:2

“Kutaya nanti aumwi uwamuzilo wakwe Yawe. Kutaya nanti aumwi akoline nawe we Yawe, kutaya nanti wenga angacingilila wakwe Leza witu.