Luka 2:32 - Amazwi Yakwe Leza 2013

³² Ufyusi wako ukoline wa luswepo ku Akulukuwa luno lulaleta ululumbi ku antu yako aina Izlaeli.”

Luka 2:32 ပူးပေါင်းရင်းမြစ်များ

Masamu 85:9

Cumi kwene, wene akalonda ukupususya yayo akamoopa, alino lyene nu lulumbi lwakwe luloleke umu mpanga itu.

Ezaya 11:10

Mu wanda ulya uwene nupya ukufuma ku cisinte cakwe Yese, ulimilila nu kuya wa cimanyililo uku mitundu. Imitundu ilakusika nu kwiza kolongana kuno ali, ni cifulo cakwe cilacindama.

Ezaya 4:2

Mu wanda ulya umusambo wakwe Yawe ulalemba, ulacindama nu kulumbanyiziwa. Iviseekwa vya mpanga navyo vilacindama. Vyene vilasansamusya antu apusuka amu Izlaeli.

Ezaya 45:25

Lelo muli Yawe amuno yonsi amu mupanda wakwe Yakobo yalacimvya nga yamulumbanye.’ ”

Ezaya 49:6

Yawe wavwanga wati, “Ukuya umuomvi wakututulula inko zyakwe Yakobo, nu kuwezya aina Izlaeli kwacepesya, kutakulinzile foo. Fwandi namalunda penepo nu kukucita uluswepo lwakukozezya ainamasi, apakuti ufyusi wane ufike uku mpela ya nsi.”

Ezaya 49:9

Ndanena amu ng'anda yaminyololo inti, ‘Fuminimo!’ Na yano ikala umu kanda nayo ndayanena inti, ‘Sokolokini, izini pano apaswe.’ Yalaya wa mfwele zino zikulya umulemvwe pa myamba isanzuke.

Ezaya 51:4

“Kutikini kuno ndi mwe mitundu ya antu! Mwe antu yane muvwe kuli vino nkulanda. Pano impolelwa yafuma kunondi, nga nu pinguzi wane ulakozezya imitundu uluswepo.

Ezaya 60:19

“Asi lanzi foo lino lilakukozezya uku macaca. Asi mwezi foo uno ulakukozezya amanda pe. Ala anene kwene ne Yawe, nene sile ndakukozezya pee na pee. Nene sile ne mucindami, anene ndaya uluswepo lwako.

Ezaya 9:2

Antu akapita umu mfinzi yatiyalola uluswepo ulukulu lwa ufyusi. Na pali yano akaikala mu wikalo wa cinzingwa ca mfwa, kunoyali kwiza luswepo kwati kumacaca.

Yelemiya 2:11

Uzye kwatala kwaloleka umutundu uno ukakauzya tuleza twakweo utuluwi, nanti angala tusi utwampomvu?

Zakaliya 2:5

Yawe wavwanga ukuti aliwe umwisikulu alaya ilinga lya moto ukulizizya umusumba ulya, nu kuti acingilile umusumba nga nu kwikala mwenemo mu lulumbi lwakwe.”

Mateo 4:16

Antu yano akaikala mu mfinzi, yati yalola luswepo lukulu lwa ufyusi. Na pali yao aikala kwati yali mu mpanga ya mfinzi, yati yalola luswepo lwa ufyusi wakwe Leza.”

Luka 2:10

Lelo mungeli ayanena ati, “Mutoopa, pano namuletela Ilandwe Lisuma, lino limaleta uluzango ulukulu ku antu onsi.

Luka 2:31

nga na antu amu nko zya kutali nao kwene yalalola cii.

Milimo 26:23

Yavwanzile ukuti Klistu, Katuula uwalavilwe alinzile kucula nu kuya uwankolelo kuzyukuka kufuma ku mfwa, kuti alete luswepo lwa ufyusi ku Ayuda nu ku Akulukuwa.”

Milimo 28:28

Paulo atwalilila ati, “Mulinzile kumanya vino ilandwe lyakwe Leza ilya ufyusi lyatumwa ku Akulukuwa. Yene yalalyuvwa!” [

1 Kolinto 1:31

Caleka, cili ndi vino calembwa mu malembelo cati, “Wino akailumba ailumbe mu Mwene.”

Umbwilo 21:23

Kuwala kwi lanzi nu mwezi kusyalondekwa mu musumba ukulu, pano lulumbi lwakwe Leza lukayengesa mwenemo, nga nu Mwana wa Mfwele ali lampi lyauko.