Luka 18:9 - Amazwi Yakwe Leza 2013

⁹ Yesu aumila antu yamwi mulumbe, yano aitailanga vino yene yali aololoke nupya asulanga auze onsi. Ayanena ati,

Luka 18:9 ပူးပေါင်းရင်းမြစ်များ

Mapinda 30:12

Insiki ino ikati, ‘Swemo twazipa, lelo fwandi yataizifya aisikulu.

Ezaya 65:5

Alino antu kwene yayo, ali yano yakanena auze yati, “Funtukini apipi naswe, pano sweswe yasangululwe.” Ali cino fwandi nemo ne Yawe tutange tuvwane na antu amusango uo. Icipyu cino nemo nayakwatila cikalunkuma wa moto uno utatala wazima.

Ezaya 66:5

Uvwini kuno mwemuno mukaoopa ne Yawe! Anyonko, yano yamupata, yano yamusuula pamulandu sile ni zwi lyakwe nene, yakamuwela ala yakuti, “Ale tumamulozyanga vino mumasansamukanga. Yawe kamulange tuvwe vino wacindama na vino angamupususya. Kwene antu yayo yalazewanilapo sile!

Aina Levi 13:32

Simapepo alinzile kuceceta icilonda nupya pa wanda uwalenga cinimbali. Ndi cakuti citaombwike, nupya musi ipipi ilya mutuntulwa, nupya citakuloleka icizike ukuluta inkanda izingulwike icilonda,

Luka 10:29

Lelo kasambilizya wa Masunde walondanga ukuizifilizya ukuti umololoke. Lyene auzya Yesu ati, “Uzye unji aweni?”

Luka 15:2

Afaliseo na yakasambilizya ya Masunde yatandika kuilizyanya yati, “Umuntu wii akazengela yakaifya nu kulya nayo!”

Luka 16:15

Yesu ayanena ati, “Mwemo mukaizifilizya pa manso ya antu lelo Leza wamanya vyaya mu myenzo inu, pano vintu vino antu yakaelenganya ukuti vyacindamisya kunoyali ala ivya winyi pa manso yakwe Leza.

Luka 18:11

Mufaliseo aimilila apepa mu mwenzo wakwe ati, ‘Nakutaizya, we Leza, pano nemo ntakolana na antu yauze ali wa antu alwiswa, aucenjezi, akalongozya nanti yao ali wakwe kasonkisya kwene wii.

Luka 19:7

Lyene antu yonsi lino yalola cii, yailizyanya yati, “Umuntu wii wataya kukufikila kwakwe kaifya.”

Luka 7:39

Lino Mufaliseo uwamwamile walola cii, aivwanzya umwisikulu ati, “Ndu muntu wii akasema, wange amanye umwanaci wii akumukumya. Wange amanye nu musango wa umi wa ukakasi uno waya nao, pano wene wali a cizelele.”

Yoane 8:48

Ayuda yuzya Yesu yati, “Uzye tutavwanzile ningo lino twati wewe Musamaliya, nupya uli nu mupasi wankota munuli?”

Yoane 9:28

Nao yamutuka, nu kuti, “Wewe uli mulondezi wakwe, lelo swemo sweswe alondezi yakwe Mose.

Yoane 9:34

Nao yamunena yati, “We muno wavyalwa nu kukula mu maifyo, uzye ukwelenganya vino ungasambilizya sweswe?” Alino yamuzinga mu ng'anda ya mapepo.

Milimo 22:21

Mwene anena ati, ‘Pitanga, Pano namakutuma kutali ku Akulukuwa.’”

Loma 10:3

Pano yatamanya inzila ino Leza akacitilamo antu kuya aololoke pa manso yakwe. Lelo mu cifulo cakwe cico, yene yezya kuya aololoke umu nzila yao aisikulu. Nupya yatazumila nzila yakwe Leza ino akacitilamo antu kuya aololoke pa manso yakwe.

Loma 14:10

Uzye wemo we muno ukalya sile musalu, pacani ukupingula munyonko akalya cilyo cili consi? Nawe we muno ukalya cilyo cili consi, uzye pacani ukasausya munyonko? Swensi kwene tulimilila pa manso yakwe Leza kuti atupingule.

Loma 14:3

Muntu akalya cili consi atalinzile kusula wino akasola vyakulya, vivyo kwene na akalya musalu atapingula akalya cili consi pano avino Leza wamuzengela.

Loma 7:9

Nani kwene mpiti nali nu umi lino ntali manye Masunde, lelo lino natandike kumanya Masunde, iifyo nalyo liya na maka, nga