Luka 18:13 - Amazwi Yakwe Leza 2013

¹³ Lelo kasonkisya aimilila katalamukila. Lyene ainamika usyu wakwe pansi kwaula nanti kulingamila mwiyulu, lelo ayuma pa cifuwa cakwe nga avwanga ati, ‘Leza uye na mizu kunondi ne kaifya.’”

Luka 18:13 ပူးပေါင်းရင်းမြစ်များ

2 Samueli 12:13

Davidi pali pakuvwanga ati, “Naifya kunuli we Yawe.” Natani nawe aasuka ati, “Yawe wakwelela. Utakufwa.

2 Milandu 33:19

Vino Manase wapepanga Leza na vino nawe wamwasukanga, ni vintu vyonsi iviipe vino Manase wacitanga, ni ncende zya kupepelamo utuluwi zino wakuuzile, ni vinkolanya vyonsi pamwi nu tuluwi twakwe Asyela tuno wapanzile pa kucindika Asyela, vyonsi vyalembwa mu mpapulo zyakwe yakasema.

2 Milandu 33:23

Lelo wene ataicefizye pa manso yakwe Yawe ndi vino Manase isi waicefizye kuti aifusye pa manso yakwe Yawe. Lelo Amoni wene walunzilepo ukwifya.

Ezila 9:6

Alino mpepa inti, “We Leza wane, insonyi nu ulanda vyandesya ukusanzula amanso kunuli, Leza wane, pamulandu wakuti amaifyo itu yavulisya cuze ukuluta imitwe itu. Icumi kwene uyi witu wavulisya wakwe cimwi ukufika nu kwiyulu.

Yobo 42:6

Ali cino fwandi nawezya umuvwango wane onsi. Naiswela ulukungu ni itwi, apakulanga ndi vino lyene nazenzuka.”

Masamu 106:6

Twaifizye kumwi ni vikolwe vitu, twaluvyanyizye nu kupulupunta twaifya kunuli.

Masamu 119:41

We Yawe undangizye vino wantemwa, umpususye ndi muno walaila.

Masamu 130:7

We Izlaeli nawe, paalila muli Yawe, Pano ukutemwa kwakwe Yawe ukwa muntaputuka, nga akalondesya ukupususya.

Masamu 25:11

Pamulandu wa kucindamika izina lyako, We Yawe, unjelele amaifyo yane, pano yene yavulisya.

Masamu 25:7

Utaiusya amaifyo yane yano nacisile umu wance wane. Uwanjiusya luse luse, ukulingana nu usuma wako.

Masamu 40:12

Amalanda avule wakwe cimwi yatiyamvulila, Uyi wane uwati ulenga vyonsi vii. Lyene natinsuka intela mwenemo nu kulolekesya. Uyi wane watiuvula ukuluta ni nyele zyaku mutwe wane, cati cimputula nu musana.

Masamu 41:4

Nemo nkuti, “We Yawe, unganguvwila uluse, umpozye pano naifya kunuli!”

Kufuma 33:10

Lyene antu ndi yalola ikumbi pa mulyango wi Taalu, yafukama pansi yapepa, cila muntu pa mulyango wi taalu lyakwe.

Ezaya 1:18

Yawe akuti, “Lekini tuvwane lyene. Amaifyo inu nanti yangayenzya cee, nemo namayafula nga nayo yamaswepa mpe wakwe kungwi wa katondotondo. Nanti angala yangayenza cee wa wazi, awe cumi namayaswefya mpee, wakwe pamba.

Ezaya 6:5

Nga alino nani ne Ezaya imvwanga inti, “Kalanda kunondi! Awe icumi ilelo lyene ali mpela yane! Pano kwene amazwi yonsi yano nkalanda yangaya aipe, nupya nikala na antu ya mazwi akanyengula umwenzo. Ilelo lyene casila nafwa, pano lyene nailolela na manso yane Yawe Wamaka yonsi.”

Ezaya 66:2

Pano vyonsi vii, anene navicisile ni minwe yane! Vyonsi vivyo ivyakwane, lelo nemo nkaikisya amano yane ku muntu muicefye, nu wazenzuka mu mwenzo, wiyo akaoopa izina lyane, akantumikila, ali wino nemo nasumbako amano. Ivyalanda Yawe.

Ezekelo 16:63

Ali pakuti uce ukaiusya nu kulemwa ni nsonyi, ukasyalilile cele mu nsonyi zyako, lilyo lino ndakuyelela uluse kuli vyonsi vino wacita. Ivyalanda ne Yawe.”

Danieli 9:5

“Silola vino twifya nu kucita inkota. Twakutalamila nu kufutatila amalamulo na masunde yako.

Mateo 10:3

Filipo na Batolomeo. Tomasi na Mateo uwali kasonkisya. Yakobo mwana Alufeo na Tandeo.

Mateo 6:5

“Na lino mukupepa, mutakolana wa asomvi! Yene yatemwa kwimilila nu kupepa mu mang'anda ya mapepo nu mu masansa ya miseo, kuti yalolwe na antu. Cumi namunena vino, yene yapokelela cilambu cao.

Mateo 9:13

Acino kasambililini mazwi mu malembelo vino yakusenula, yano akati, ‘Nkulonda kuti mwalanga uluse ku antu yauzo kuluta kundetela impolelwa.’ Ntiza kukwama aololoke, lelo nizila yakaifya.”

Mako 11:25

Lino mwati mwapepa, mutala mwelela umuzo ali nu mulandu namwe pakuti, [

Luka 17:12

Lino akwingila mu muzi, antu ikumi alwile tembwe yamukomanya. Lyene iimilila katalamukila,

Luka 22:41

Lyene atala ayasya, apita katalamukila, nga afukama apepa ati,

Luka 23:48

Lyene antu yonsi yano akongine nu kulola ivyacitike, lino yalola vii, yaswilila kumwao ala yakuyuma pa vifuwa nu ulanda.

Luka 5:8

Lino Simoni walola cati cicitika, afukama pa ngazo zyakwe Yesu amunena ati, “Ntaluke, Mwene, pano nene mwipe.”

Milimo 2:37

Lino antu yuvwa cii, yasakamala cuze, nga yavwanga kuli Petulo na atumwa yauze, yati, “Mwe ina itu uzye tumacita uli?”

Loma 5:8

Lelo Leza watulanga vino watutemwa, pano lino twali tucili yakaifya Klistu watufwilile.

2 Kolinto 7:11

Mulole vino Leza wacita pa ulanda kwene uu, wamulenga kuya amukozya, nu kulenga musininkizye ukuti mwemwe yakaele, wamulenga kusoka, wamulenga kuvwa intete nu kulondesya kundola, wamulenga kuti muvunuke muntu pa kuluvyanya kwakwe. Vii vyonsi vikulanga paswe kuti mwemwe yakaele.

1 Timoti 1:15

Muvwango uu, uwa cumi wakuti, Klistu Yesu wizile muno nsi ku kutuula yakaifya. Nupya nene kaifya uwaluta onsi.

Ayebulai 4:16

Lyene lekini tutaile nu kupalamila ku cilimba ca wene cakwe Leza, kuno kuli cikuku. Tulapokelela mizu nu kuzana cikuku cakutwazwa lino twalonda kwazwiwa.

Ayebulai 8:12

Ndelela maifyo yao nupya ntaliusya viponge vyao.”