Luka 16:29 - Amazwi Yakwe Leza 2013

²⁹ “Abulaamu ati, ‘Anyonko yakweti mpapulo zyakwe Mose na yakasema zya kuyasoka. Leka yuvwe ivyaya mwenemo.’

Luka 16:29 ပူးပေါင်းရင်းမြစ်များ

Ezaya 34:16

Londa nu kuwelenga umu lupapulo lwakwe Yawe, lwa vintu vyaumi. Muwelenge mumazana ukuti pali vyonsi pasikuulilwa nanti conga. Nupya vyonsi vimayanga viili viili, iconsi ni cakaci. Yawe aliwe kwene wakomailanga ukuti ciye vivyo kwene. Umwisikulu aliwe alavikonganika pamwi.

Ezaya 8:20

Umu cumi vii ali vino yalalanda. Lelo mwemo muce mwayasuka muti, “Uvwini vino Yawe akumusunda!” Ala mwemo mutauvwa kuli yano yakumuuzizya imilandu uku mipasi. Vino yakumunena vitalamuombela icisuma nanti conga.

Yelemiya 6:16

Yawe wavwanga ku antu yakwe ati, “Imililini pa masansa ya museo, mucelecensye! Muzye inzila zyampiti nupya muzye ukuli inzila zisuma alino lyene mupite mwenemo. Lyene mulikala mu mutende.” Lelo mwemo mwakanyile imuti nu kuti, “Tutange tupite mwenemo, awe!”

Luka 16:16

“Ivyalembwa mu mpapulo zyakwe Mose na zyakwe yakasema vyakosozilwe kufika mu manda yakwe Yoane Kawatizya. Kufuma papo kwene Ilandwe Lisuma lya Wene wakwe Leza likukosolwa, na wensi akwezya na maka kwingilamo.

Luka 24:27

Lyene Yesu ayalondolwela vyonsi vyaya mu mpapulo zyakwe Mose na yakasema, pamulandu wakwe umwisikulu.

Luka 4:17

Alino yamupeela malembelo yakwe kasema Ezaya, nawe apombolola nga azana pano calembwa cati,

Milimo 15:21

Pano kufuma ku mpiti Masunde yakwe Mose yawelengwa pa manda aingi mu mang'anda ya mapepo cila Sabata, nga na mazwi yakwe yakakosolwa mu misumba yonsi.”

Galatiya 4:21

Yamwi munomuli yangatemwa kuteekwa uzya na Masunde yakwe Mose. Uzye mutamanya vino Masunde yakalanda?