Luka 16:26 - Amazwi Yakwe Leza 2013

²⁶ Nupya lola, kuli manga izike cuze pakasi kako naswe, cakuti yano akulonda kulamba kufuma kuko ukwiza kuno yatangacicita, nanti asweswe kwene tutangiza kuko.’

Luka 16:26 ပူးပေါင်းရင်းမြစ်များ

Masamu 49:14

Ala yene intipu zyao, izya kufwa wa mfwele umu citata. Nupya imfwa kwene, ali mucemi wao, na antu alungame ali yano yakayateeka. Lino ulaca ucindami wao ulongoloka, ni cifulo cao, umwi lindi.

Masamu 50:22

Mwemuno mwansula, ne Leza, cenjelini! Pano limwi mungazana ukuti namusantola ukwaula nu wakuti amutasye.

Ezekelo 28:24

“Muli yayo yonsi azinguluka ulupwa lwa ina Izlaeli nu kulupata, mutalatala muye umunga uwakulutota, nanti nkololwa uwakulukolola. Alino yalamanya ukuti nene indi Yawe.

Malaki 3:18

Nupya kwene antu yane yalalola upusano uwaya pakasi ka antu akacita vyaololoke na yakaifya, pakasi ka antu akatumikila Yawe na yayo asimutumikila.”

Mateo 25:46

Lyene antu yaa yalavunukwa manda pee, lelo antu akacita ivyawololoke yalaya nu umi wape.”

Luka 12:59

Nkukunena vino utalafumamo, suka lino wamala kulipa kalikowili kakusyalikizya.”

Luka 16:25

“Lelo Abulaamu avwanga ati, ‘Cuza wane, iusya vino mu nsita ya umi wako wapezilwe vintu vyonsi visuma, lino Lazalo wene wapilwe vintu vyonsi viipe. Lelo ndakai wene kuno watatekeziwa, lino wemo ukucula cuze.

Luka 16:27

Mukama nawe ati, ‘Tata, lyene nakulenga kuti utume Lazalo ku ng'anda yakwe tata,

Yoane 3:36

Wino wensi akataila Mwana wene ali nu umi wape. Lelo wino wensi asyayela Mwana wene atalaya nu umi. Ukali wakwe Leza ulaya panoli.

Umbwilo 20:10

Lyene Ciwa wino uwayasomvile, wasumvilwe muli yemba wa moto na maluti, amuno alanga yati yasumbilamo cilyanyi pamwi na kasema waufi. Muu, amuno yalapya musanya nu usiku manda pe.

Umbwilo 22:11

Wino wensi uwa nkota lekini atwalilile kucita inkota, umukowele atwalilile ukuya mukowele. Wino wensi musuma nawe atwalilile kucita visuma, na wino wensi uwamuzilo atwalilile kuya uwamuzilo.”

1 Samueli 25:36

Walanga Abigelo waswililamo, azana Nabali watacita icimulo umu ng'anda yakwe kwati cino yakateyanyizizya ya mwene. Wene wasansamwike nga akoleka sana cakuti umuci atamunenyile nanti cimwi mpaka ukufika akatondo.