Luka 16:25 - Amazwi Yakwe Leza 2013

²⁵ “Lelo Abulaamu avwanga ati, ‘Cuza wane, iusya vino mu nsita ya umi wako wapezilwe vintu vyonsi visuma, lino Lazalo wene wapilwe vintu vyonsi viipe. Lelo ndakai wene kuno watatekeziwa, lino wemo ukucula cuze.

Luka 16:25 ပူးပေါင်းရင်းမြစ်များ

Yobo 22:18

Lelo kwene nanti cali vivyo, a Leza kwene uwayasambazizye ni vintu visuma vyonsi umu mang'anda yao. Kwene nemo cingampezya amano pakuzumilizya imyelenganyizizye ya antu aipe.

Masamu 17:14

We Yawe, ntuule uku antu yayo yano umu umi wao wa muno nsi yakwata vino yakalonda vyonsi. Yapini ucuzi wacipezya mano, uno wayateyanyizizya nu ku izikulu yao kwene!

Masamu 49:11

Amalindi yao ala yasyala ali vifulo vyao pe na pe. Ala amuno yasyala yakwikalilila amanda yonsi, nanti angala uku mpiti yaikwatile ivifulo vyao.

Masamu 73:7

Mu myenzo yao mukazwa sile iviipe, na mano yao lyonsi yaya apamviwe nu kwelenganya amapange akucita ivitazifile.

Nyimbo zya ndosya 1:7

Yano yali umu Yelusalemu mpiti yakwiusya vino umusumba wao wacindime mpiti. Lino kwali ukucimba ku anisi, kutali nanti wenga uwakuyatuula foo. Anisi yao yayasowekanga nu kuyawela apakulola kuno yaciimba.

Danieli 5:30

Usiku kwene ulya Belisyazali, umwene waku Babiloni, akomwa.

Mateo 27:63

Yamunena yati, “Musambazi, tukwiusya vino musomvi wilya wavwanzile, lino atali kuti afwe ati, ‘Pacisila ca manda yatatu ndazyukuka nupya.’

Mako 9:45

Ndi kulu lyako lyakulenga ukwifya, liputule! Cakuzipila ukwingila mu umi wapee ni kulu lyonga kuluta kusumbwa mu Gehena, [

Luka 16:20

Apa mpongolo ya ng'anda yakwe pakupaanga mupina umwi, izina lyakwe a Lazalo, uwali ni vilonda mwili onsi.

Luka 16:23

Lyene kuzimo kuno wali mukucula kukulu cuze, asanzula amanso alola Abulaamu patali, na Lazalo ala atenzi pipi nawe.

Luka 16:26

Nupya lola, kuli manga izike cuze pakasi kako naswe, cakuti yano akulonda kulamba kufuma kuko ukwiza kuno yatangacicita, nanti asweswe kwene tutangiza kuko.’

Luka 6:24

“Lelo kalanda kuli mwemwe mwe akama. Pano mwemo mwapokelela mpiti upemwilo.

Yoane 16:33

Nati munena vintu vii pakuti muzane mutende munondi. Lino mucili mu nsi mulacula. Lelo posyini! Nemo nati ncimvya maka amu nsi ii.”

Milimo 14:22

Yakomelezya yano ataile nu kuyakonkomezya kuti yatwalilile kuya acumi mu utailo. Yayasambilizya yati, “Pakuti tukingile mu Wene wa mwiyulu, tulinzile kupita mu ntazi zingi.”

Loma 8:7

Pano umuntu akaya umwanisi wakwe Leza ndi akutungululwa ni vilondwa vya mwili wakwe, pano wene asyayela Masunde yakwe Leza, nupya atangayela.

Malango 28:17

“Yawe alatipwila imbezu zinu ni vyakulya vino mulateyanya ku mbezu zizyo.

Filipi 3:19

ukuti antu yaa yalasumbwa kuzimo! Yene yakapepa inda zyao nu kuitumika pa vintu vino yalinzile ukuuvwa insonyi. Yene yakaelenganya sile pa vintu vya muno nsi.

1 Tesalonika 3:3

pakuti kutaya nanti umwi wakunenuka pamulandu wa kuzunyiwa kuu. Mweisikulu mumanyile ukuti Leza uwazumilizye kuti tuzunyiwe mu musango kwene uu.

Ayebulai 11:25

Mose camuzipile ukucula pamwi na antu yakwe Leza kuluta kuilyokezya mu kwifya pa nsita inono.

1 Yoane 2:15

Mutatemwa insi nanti cintu cili consi icamu nsi. Umwi ndi watemwa insi, ale atatemwa Tata.

Umbwilo 7:14

Nani mwasuka inti, “Musambazi, wewe umanyile.” Nawe anena ati, “Yaa ali antu yano aposya mu macuzi akulu cuze. Yene yafula mingila yao nu kuiswefya mu wazi wa Mwana wa mfwele.