Luka 16:24 - Amazwi Yakwe Leza 2013

²⁴ Lyene alaizya ati, ‘Tata Abulaamu, uye na mizu panondi, untumile Lazalo atimpike insongo ya munwe wakwe mu manzi kuti aiize azusye ululimi lwane. Pano nkucula cuze mu moto uu.’

Luka 16:24 ပူးပေါင်းရင်းမြစ်များ

Yobo 20:21

Apa mulandu wakuti kutali nanti wenga uwapuswike uku kuitemelwa kwakwe, nu kukupunuka, ali cino fwandi, ni vilonkwa vyakwe kwene kutange kusyale nanti conga.

Ezaya 27:11

Akula insaala zyuma nu kukozoka, yamangu yiza yazyoca. Pano umutundu uu utaya na mano. Ali cino na Leza, kaumba wauko atalayaela uluse. Kaumba wao atalayuvwila amizu foo.

Ezaya 66:24

Apa kufuma mu Zioni, yalasyala yailolele yonga ivyala vya antu yano yantalamila. Ingonyo zino zilayalya zitalatala zifwe foo, nu moto usyazimiwa. Antu yonsi apakuyalolekesya yalazunguka.”

Zakaliya 14:12

Ii, ilaya ili mpungo ino Yawe alaponyezya imitundu yonsi iyalwisizye Yelusalemu. Imili yao ilaola lino yacili apuma, amanso yao yalaolela mu vimfonka vyao ni ndimi zyao zilaolela mu tunwa twao.

Mateo 25:41

“Lyene alanena yao ali kwi mani lyakwe ati, ‘Fumini pano, ntamumanyile mwe muno mwatipwizilwe. Yangini ku moto usyazima uno Leza wateyanyizizya Ciwa na angeli yakwe.

Mateo 3:9

Nupya mutaelenganya ukuti muluutuka kuvunukwa kuno kukwiza, apa kulanda ukuti Abulaamu ali cikolwe cinu. Nkumunena vino Leza angasenula amawe yaa ukuya ana yakwe Abulaamu.

Mateo 5:22

Lelo nemo namunena nati wino wensi amasokela mwina wakwe alinzile atwalwe ku cilye. Na wino wensi amanena mwina wakwe ati, ‘Watumpa!’ Wene alinzile atwalwe kwi Tengo. Na wino wensi amavwanga ati, ‘Ciwelewele we,’ alaya mu uzanzo wakuya mu moto uwamu Gehena.

Luka 16:30

Mukama ati, ‘Tata Abulaamu, cico citangaciyazwe! Lelo ndi umwi uwamu afwe wazyukwike nu kuya kunoyali, lyene yangazenzuka.’

Luka 19:9

Yesu nawe amunena ati, “Ilelo wemo pamwi na amu ng'anda yako mwati mutuulwa, pano na wii kwene uwamu luko lwakwe Abulaamu.”

Luka 3:8

Mwaomba imilimo isuma yakulanga vino mwati muzenzuka. Nupya mutainena mu myenzo inu ukuti Abulaamu ali cikolwe cinu! Nkumunena vino Leza angasenula amawe yaa ukuya ana yakwe Abulaamu.

Yoane 4:10

Yesu nawe amwaasuka ati, “Ndi wamanyile uwila wakwe Leza, na wino akukulenga manzi ya kumwa, nawe wange umulenge, nga wene wange akupeele manzi akapeela umi.”

Yoane 4:14

Wino wensi alamwa manzi yano nemo ndamupeela wene ataluvwa lusala nupya. Manzi yano ndamupeela yene yalaya wa kafukoka ka manzi munoli, yano akapeela umi wape.”

Yoane 7:37

Pa wanda wa kumalila kuzevya kwa cimulo nupya uli wanda ukulu, Yesu aimilila, asanzika izwi ati, “Wino wensi ali nu lusala alinzile kwiza kunondi kuti amwe manzi!

Loma 4:12

Cii, calenga kuti Abulaamu aye cikolwe cakwe na yao kwene asilamulwa, asi pamulandu wakusilamulwa. Lelo pano yakapita mu umi wa utailo uno Abulaamu cikolwe citu wali nao lino atali kuti asilamulwe.

2 Tesalonika 1:8

mu cimbilimbili ca moto, kwiza vunuka yao akakana Leza nupya asyataila Ilandwe Lisuma lya Mwene witu Yesu.

Yakobo 2:13

Pano Leza wene atalaya na mizu ku muntu wino atali na mizu ku yauze. Lelo pano mizu yaluta upinguzi, Leza alaya na mizu.

Yakobo 3:6

Acino lulimi lukoline wa moto. Lwene amaka yaipe yano yakakowezya mwili nga nu koca umi onsi uwa muntu ku vimbilimbili vino vikafuma kuzimo.

Umbwilo 19:20

Cilyanyi casenzilwe ku ng'anda yaminyololo pamwi na kasema waufi wino wacisile vinjelengwe pa manso yakwe. Wene waomvizye vinjelengwe vii pa kusomba yao akweti cimanyililo ca cilyanyi na yao apefile unkolanya wa cilyanyi. Cilyanyi pamwi na kasema waufi yasumbilwe apuma muli yemba wa moto, muno mwapyanga maluti.

Umbwilo 20:15

Wino wensi atalemvilwe izina lyakwe mu lupapulo lwa umi wene wasumbilwe muli yemba wa moto.

Umbwilo 22:1

5Lyene mungeli andanga luzi lwa manzi yano akapeela umi, luyengese wakwe Kulustele, luno lwafuma mu cilimba ca wene cakwe Leza nupya ca Mwana wa Mfwele.

1 Samueli 28:16

Samueli amunena ati, “Uzye pacani cino wiza ku kuuzya kunondi, apakuzana ukuti Yawe watakufutatila nga nupya wataya umwanisi wako?