Luka 16:2 - Amazwi Yakwe Leza 2013

² Caleka aama kangalila amunena ati, ‘Icani cii, cino nkuuvwa pali wewe? Leta tuvwe ndole vyalembwa pamulandu wa wangalizi wako, pano nupya utangaya kangalila.’

Luka 16:2 ပူးပေါင်းရင်းမြစ်များ

Kasambilizya 12:14

Endi, Leza alatupingula pa vintu vyonsi vino tukacita, cisi cimwi viye ivisuma nanti iviipe, nanti ivintu ivyacitwa mu nkama.

Mateo 12:36

“Lyene namunena nati, pa wanda wa upinguzi cila muntu alalondolola mulandu uno wavwanzile mazwi auwelewele.

Mateo 20:8

“Lyene manguzi, mwine wa calo ca matingi anena kapitao wakwe ati, ‘Ama aomvi kuti njapele malipilo yao, kutandika na yao alemvilwe cisila usyalikizye na yao alemvilwe nkolelo.’

Luka 12:20

Lelo Leza amunena ati, ‘We ciwelewele we! Usiku kwene uu umi wako nkuulonda. Uzye lyene aweni alatola vintu vyonsi vino waisungila?’”

Luka 12:42

Mwene nawe amwaasuka ati, “Uzye lyene, muomvi mutailwe nu wamano aweni? Awiyo wino mwene alamucita kangalila, uwakulolela ing'anda nu kupeela aomvi yauze vyakulya vyao pa nsita ilinge.

Luka 16:1

Yesu anena alondezi yakwe ati, “Kwali umuntu mukama uwakweti kangalila wino wapilwe mulandu wakonona vyuma vyakwe.

Luka 16:3

Kangalila nawe aivwanzya umwisikulu ati, ‘Mwene wane amanzinga pa ncito yane. Uzye namacita uli? Ntakoma ku kulima, nupya nakwata ni nsonyi zyakulenga.

Loma 14:12

Acino wensi uwa munotuli alailongwela vyonsi kuli Leza.

1 Kolinto 1:11

Pano antu yamwi kufuma ku amu ng'anda yakwe Koloe yatiyanena paswe ukuti pakasi kinu pali kulemanila.

1 Kolinto 4:2

Cintu conga cino cikalondekwa ku muomvi cakuti alinzile kuya uwakutailwa kuli wino akatumikila.

1 Kolinto 4:5

Acino mutalinzile kupingula umuntu ali wensi lino nsita yasontwa itali kuti ifike. Upinguzi wakusyalikizya utalacitika suka Mwene akize. Wene alasokolola paswe vintu vino vyafiswa mu mfinzi, nga nu kuumbula mapange ya nkama aya mu melenganyo ya antu. Alino lyene umuntu wensi Leza alamutasya ndi vino cingamulinga.

2 Kolinto 5:10

Pano swensi kwene tulimilila nkolelo yakwe Klistu, kuti atupingule. Cila muntu alapokelela viine ni milimo ino wacita muno nsi, iipe nanti isuma.

1 Timoti 4:14

Utatazyela uwila wa mupasi uno uli munuli, nupya uwapilwe kunuli lino yakasema yavwanzile na ikolo yakupolelile apa kwika makasa yao panuli.

1 Timoti 5:24

Maifyo ya antu yamwi yakaloleka paswe, nupya maifyo yao yakakolela lino kupingulwa kwao kutali kufike. Lelo maifyo yakwe yamwi yene yakaloleka pacisila.

1 Petulo 4:10

Cila muntu akangalila wa wila pa mawila apusane kufuma kuli Leza. Acino umwangalizi musuma alinzile kuomvya uwila uiyele mu kwazwa antu yauze.

1 Petulo 4:5

Lelo yalalondolola kuli Leza wino waiteyanya kupingula antu aumi na afwe kwene.

Umbwilo 20:12

Nga ndola afwe akulu na anono kwene, ala yaimi nkolelo ya cilimba ca wene. Alino mpapulo zikupulwa, nga lyene lupapulo na luze lukupulwa. Luu luli lupapulo lwa antu aumi. Afwe yapingulwa kulingana ni vintu vino yacisile ndi vino vyalembwa mu mpapulo.