Luka 16:16 - Amazwi Yakwe Leza 2013

¹⁶ “Ivyalembwa mu mpapulo zyakwe Mose na zyakwe yakasema vyakosozilwe kufika mu manda yakwe Yoane Kawatizya. Kufuma papo kwene Ilandwe Lisuma lya Wene wakwe Leza likukosolwa, na wensi akwezya na maka kwingilamo.

Luka 16:16 ပူးပေါင်းရင်းမြစ်များ

Mateo 10:7

Lino mukupita, mwakosola ilandwe lii, muti, ‘Uwene wa mwiyulu wati upalama pipi.’

Mateo 15:11

Pasi cimwi cino cikaingila mu mulomo wa muntu cingamukowezya, lelo cino cikafuma mu mulomo wa muntu cene cingamukowezya.”

Mateo 21:32

Pano Yoane wizile kunomuli nu kumulanga vino mungalondela nzila ya wololoke wakwe Leza, lelo mutamutaile. Yakasonkisya na yacizelele yene yamutaile. Lelo mwemo nanti angala mwaweni cii, mutazenzwike nu kumutaila.”

Mateo 3:2

akuti, “Zenzukini, pano Wene wa mwiyulu wati upalama pipi.”

Mateo 4:17

Kufuma pa nsita kwene ilya, Yesu atandika kukosola, ati, “Zenzukini, pano Wene wa mwiyulu wati upalama pipi.”

Mateo 4:23

Lyene Yesu apitana mu Galile monsi, ala akusambilizya mu mang'anda ya mapepo nu kukosola Ilandwe Lisuma lya Wene nga nu kupozya alwile ndwala zya misango yonsi.

Mako 1:14

Lino Yoane yamunyepa mu ng'anda yaminyololo, Yesu waile ku Galile ku kukosola Ilandwe Lisuma lyakwe Leza.

Mako 1:45

Lelo umuntu apita atandika kusalanganya ilandwe konsi konsi, cakuti Yesu aposiwa kwingila mu muzi paswe. Pamulandu kwene uu, aikala ku cifulo ukwali cele, na antu izanga kunoli kufuma konsi konsi.

Luka 10:11

‘Nu lukungu kwene ulwa mu musumba, ulukambatile ku ngazo zitu, lwakuntilwa kunomuli. Acino iusyini vino Wene wakwe Leza wati upalama kunomuli!’

Luka 10:9

Mupozye alwale ali mu musumba uo, alino muyanene muti, ‘Uwene wakwe Leza wati upalama kunomuli.’

Luka 16:29

“Abulaamu ati, ‘Anyonko yakweti mpapulo zyakwe Mose na yakasema zya kuyasoka. Leka yuvwe ivyaya mwenemo.’

Luka 16:31

Lelo Abulaamu amunena ati, ‘Ndi yataluvwa ivyaya mu mpapulo zyakwe Mose na yakasema, nanti umwi angazyukuka kufuma ku afwe yatangasininkizya.’”

Luka 9:2

Lyene ayatuma ku kukosola vya Wene wakwe Leza nu kupozya alwale.

Yoane 1:45

Filipo azana Natanaeli, amunena ati, “Twati tuzana wino Mose walemvile pamulandu na aliwe mu lupapulo lwa Masunde, wino na yakasema nao kwene yalemvile pamulandu na aliwe mu mpapulo zyao. Wene a Yesu mwana Yosefu uwaku Nazaleti.”

Yoane 11:48

Ndi twamusila umweko, antu yonsi yamamutaila. Ni ntunguluzi zya Ciloma ziliza nu konona Ng'anda ikulu yakwe Leza nga na antu amu luko lwitu.”

Yoane 12:19

Caleka Afaliseo yavwanzyanya yati, “Lolini, tukuicuzya sile! Mwalola, antu yonsi yakumulondela.”

Yoane 5:4

Pano mu tusita tumwi tumwi mungeli wa Mwene wikilanga mu ciziya ku kuvundola manzi. Lyene umulwale wino wakolela kwingilamo lino manzi yavundolwa, wene apoziwa ku ndwala yonsi ino wali nayo.]

Milimo 3:18

Ku mpiti Leza wavwanzile kupitila muli yakasema yonsi ukuti Klistu wino wasolwile alacuziwa, nga cati cifikiliziwa mu musango kwene uu.