Luka 15:8 - Amazwi Yakwe Leza 2013

⁸ “Nanti mwanaci umwi ndi wali ni mpiya ikumi lelo waponzya longa, uzye akacita uli? Uzye atangakozye lukozyo, apyele ng'anda yakwe, nu kulonda monsi kwene, suka aluzane?

Luka 15:8 ပူးပေါင်းရင်းမြစ်များ

Ezekelo 34:12

Ndazisunga vivi kwene vino kacema akasunga imfwele zyakwe zino zyasalangine pakutandika. Ndazikolonganika monsi muno zyasalanganile pa wanda ulya uwa cifutika nupya uwa uzanzo.

Mateo 5:15

Kusi umwi akakozya ilampi nu kulitupika mu nyungu. Lelo akaliika pa sanzame kuti liyengese kuli yano yonsi ali mu ng'anda.

Luka 15:7

Mu musango uli onga, namunena vino, kulaya insansa zingi mwiyulu pali kaifya wenga uwazenzuka kuluta antu makumi fundimbali na fundimbali acindame yano yakaelenganya ukuti citakulondekwa kuti yazenzuke.

Luka 15:9

Lyene lino waluzana, aama ainipamba na yacuza yakwe pali pamwi, ayanena ati, ‘Zangini pamwi nani, pano nati nzana lupiya luno lwaponzile.’

Luka 19:10

“Mwana wa Muntu wizile kuti alonde nu kutuula aponge.”

Yoane 10:16

Nkweti mfwele nazyuze zino zisi zyamu citata cii. Nazyo kwene namala nde nzilete. Ziluvwa izwi lyane nga zilaya ufyo onga nu mucemi wenga.

Yoane 11:52

Asi pamulandu wakufwila sile Ayuda, lelo kuti akonganike na antu yakwe Leza yonsi yano asalangana konsi.

Milimo 19:19

Aingi muli yano acitanga malele yaleta impapulo zyao apali pamwi yazyoca pa manso ya antu. Lino yapenda yazana vino mutengo wakwezyo wali impiya zyakwe siluva mazimbi makumi yasano.

Efeso 2:17

Acino Klistu wizile akosola Ilandwe Lisuma ilya mutende kuli mwe Akulukuwa, mwe muno mwali kutali na Leza. Nupya wizile akosola Ilandwe Lisuma ilya mutende kuli swe Ayuda swe muno twali na Leza.