Luka 15:5 - Amazwi Yakwe Leza 2013

⁵ Lino waizana, akaya ni nsansa cuze cakuti aitoola aika na pa ciye,

Luka 15:5 ပူးပေါင်းရင်းမြစ်များ

Ezaya 62:12

Yalaama umutundu wamuzilo yati, “Akululwa yakwe Yawe.” Nawe yalakwama yati, “Umulondwe, Umusumba Utalatazyelwa.”

Ezaya 62:5

Ndi vino umulumendo akafumalila umukazyana nacisungu, ali vino kaumba wako amakufumalila nu kwikala mumaikalanga pamwi nawe, nu luzango wakwe cimwi.

Ezaya 63:9

uku macuzi yao yonsi. Kusi inkombe imwi nanti umungeli ali wensi, uwatayapususya kweneko foo. Suka sile Yawe wenga ali wino wayapuswisye. Ukufuma nu ku mpiti ali wino wayapususyanga nu kuyasunga lyonsi.

Ezekelo 18:23

Nemo ne Yawe Simwandalali nkuuzya inti, ‘Uzye nemo ne Yawe nkasansamuka pakulola umuntu mwipe kuno wafwa?’ Ala asi vivyo foo, lelo nemo nkasansamuka pakulola umuntu mwipe kuno wazenzuka nu kuya nu umi.

Ezekelo 33:11

Yanene ukuti kasili nalapa ne Yawe umumi, ala nemo cisinzanzya apakulola kuno umuntu umwipe akufwa. Nemo natemwa ukulola kuno umuntu mwipe wazenzuka, apakuti aikala uwa umi. Caleka mwemo mwe ina Izlaeli tiini imisango inu iipe, muitelele. Kuno icani cino mungalondela ukufwa?

Mika 5:4

Lino aliza, wene alaposya nupya alacema imfwele zyakwe mu maka yakwe Yawe, nu mu ucindami wi zina lyakwe Yawe Leza wakwe. Alino yene yalikala mu mutende, pano ukulu wakwe ulafika nu kumpela ya nsi kwene.

Mika 7:18

Uzye a Leza cii akoline nawe, wino angelela amaifyo, nu kwelela amaifyo ya antu yakwe asyala? Wemo usisoka mpaka umuyayaya, lelo ukaya nu kutemwa kwa muntaputuka.

Zefaniya 3:17

Yawe Leza winu waya namwe, amaka yakwe akalenga ukuti mwacimvya. Yawe alasansamukila munomuli, nupya wene alamupeela umi upya, pasipano mwemo wamutemwa. Mwemo alamuzangila nu tupundu twa nsansa,

Luka 15:32

Cati cizipa kuti tuzevye nu kuzanga, pano munyonko wafwile, lelo nupya ali nu umi. Waponzile, lelo ndakai watalondoka.’”

Luka 15:4

“Umwi uwa munomuli ndi wali ni mfwele mwanda, nga waponzya yonga uzye akacita uli? Akasya zyonsi makumi fundimbali na fundimbali, apita kukulonda yonga iyati ponga suka aiizane.

Luka 15:6

nu kuisenda ku ng'anda ukwakwe. Lyene aama yacuza yakwe na ainipamba pali pamwi, ayanena ati, ‘Zangini pamwi nani, pano nati nzana mfwele yane iyaponzile.’

Luka 19:9

Yesu nawe amunena ati, “Ilelo wemo pamwi na amu ng'anda yako mwati mutuulwa, pano na wii kwene uwamu luko lwakwe Abulaamu.”

Luka 23:43

Yesu nawe amunena ati, “Nakunena vino ilelo kwene umaya nani mu Paladaise.”

Yoane 15:11

“Nati munena vintu vii kuti muye mu luzango ndi luno nkweti, na kuti luzango lwinu luye lufumaluke.

Efeso 2:10

Leza watucita ndi vino tuli muli Klistu Yesu kuti twaikala ndi vino lyonsi akalonda, nu kuti twacita vintu visuma vino watuteyanyizizya.

Efeso 3:7

Nemo Leza wancisile muomvi wi Landwe Lisuma kupitila mu wila wakwe uiyele uno wampile mu kuomba kwa maka yakwe.

1 Tesalonika 1:5

Pano lino twamuletile Ilandwe Lisuma, asi ku mazwi sile. Lelo nu ku maka nu kusininkizya kwa cumi caliko, kufuma kuli Mupasi Wamuzilo. Mwamanya vino twikalanga lino twali namwe. Cacitike pakuti tumwazwe.

2 Timoti 2:26

Alino lyene yalaelenganya ningo nga yalatuulwa ku citeyo cakwe Ciwa, wino uwayalema nu kuleka kuti yayela kulonda kwakwe.

Ayebulai 12:2

Lekini twike manso pali Yesu, wino utailo witu wimililapo kufuma kukutandika kufika nu ku mpela. Wene atanenwike pamulandu wa mfwa ya pa lupanda! Wene atelenginye cimwi pa kuzewana kwa mfwa ya pa lupanda, pamulandu wa luzango luno lwali nkolelo. Ndakai atenzi kwi kasa lilunji lya cilimba cakwe Leza.

1 Petulo 1:5

Kupolelelwa kuu ukwakwe mwemwe, mwe muno mu utailo mukasungwa ningo na maka yakwe Leza kufika ku ufyusi uno ulasokololwa pa mpela ya nsita.