Luka 15:20 - Amazwi Yakwe Leza 2013

²⁰ Caleka akatuka aya kuli isi. “Lelo lino acili kutali kufuma kumwao, isi amulola; aya na mizu mu mwenzo wakwe. Alino asimula amukukula nu kumutonsola.

Luka 15:20 ပူးပေါင်းရင်းမြစ်များ

Utandiko 33:4

Lelo Esau asimula ku kukomanya Yakobo. Lino wafika amukukula, amutonsola nga lyene yoili iyatandika ukulila.

Utandiko 45:14

Alino Yosefu aya kuli Benjamini muto wakwe, iyakukulana, nga oili iyatandika kulila pamulandu nu luzango.

Utandiko 46:29

Yosefu anena aomvi yakwe kuti yateyanye celeta nga aya ku kuzengela isi ku Gosyeni. Lino Yosefu walola isi asimwilila kunoli amukumbatila nga alila pa nsita itali.

2 Samueli 14:33

Acino Yoabu aya ku mwene Davidi nga amunena vino Abusalomu wavwanzile. Lyene umwene aama Abusalomu, nga nawe aingila, afukama pansi afupime. Umwene nawe amutonsola pa kumuzengela.

Masamu 86:15

Nga lelo pano we Mwene wakwatisya uluse, nupya wewe Leza wakutemwa wino asisoka zuwa, lyonsi waya nu kutemwa ukwa muntaputuka, nupya wewe wakutailwa lyonsi.

Masamu 86:5

We Yawe, wemo wewe musuma, nupya ukayelela uluse, wakwatisya nu luse kuli yonsi akakupepa.

Ezaya 49:15

Acino Yawe nawe wayaasuka ati, “Uzye kwene nyina angilila umwanakwe wino akoonka? Uzye wene angata ukutemwa umwanakwe wino waivyalila? Lelo kwene nanti angilila, nemo ntalatala imwilile.

Ezaya 57:18

“Nemo nalola vino yacita, lelo ndayapozya. Ndayatungulula nu kuyazwilizya. Ndamyalalika yano yalalosya.

Yelemiya 31:20

“Uzye Efulemu ali mwanane umukundwe? Uzye wii ali mwanane wino natemwa? Pasi pano kwene nkamwiusya lyonsi sile, nkamukalipila. Ali cino lyonsi nkamuluuka mu mwenzo wane nu kumuyela uluse.” Ivyalanda ne Yawe.

Oseya 11:8

“Uzye ungamfuulila uli we Efulemu? Uzye ningakutazyela uli we Izlaeli? Uzye ningakusenula uli wakwe Adima? Uzye ningakonona uli wakwe Zeboimu? Umwenzo wane ukuti cipelele ukutali, ukutemwa kwane kunuli ukukulu.

Luka 15:19

Ntaine ukwamwa umwana wako nupya, uncite wakwe wenga uwa pa yaomvi yako.’

Luka 15:21

Umwana nawe amunena ati, ‘Tata, Niifya kuli Leza uwa mwiyulu na kunuli. Ntaine ukwamwa umwana wako nupya.’

Milimo 2:39

Pano ulayo uno Leza walavile uli pali mwemwe na pa ana inu, na pali yano yonsi ali kutali, yano Umwene Leza witu alaama kunoli.”

Milimo 20:37

Onsi yalilanga lino yakumukukutila nu kumutonsola kwa kumupakasya.

Efeso 2:13

Lelo muli Klistu, mwe muno mpiti mwali kutali na Leza, wazi wa mpolelwa yakwe Klistu wamupalamika pipi.

Efeso 2:17

Acino Klistu wizile akosola Ilandwe Lisuma ilya mutende kuli mwe Akulukuwa, mwe muno mwali kutali na Leza. Nupya wizile akosola Ilandwe Lisuma ilya mutende kuli swe Ayuda swe muno twali na Leza.