Luka 15:17 - Amazwi Yakwe Leza 2013

¹⁷ Lyene lino amano yamuzana aelenganya mu mano yakwe ati, ‘Aomvi yakwe tata yonsi yakalya yakwikuta na vimwi vikasyala, lelo nemo kuno namafwa kunzala!

Luka 15:17 ပူးပေါင်းရင်းမြစ်များ

Masamu 119:59

Natinceceta inzila zyane, nupya nalaya ukulondela amasunde yako.

Masamu 73:20

Mwene! Ala yaya wa ciloto icikaililwa lino waca. Akula ukuzyuka uwilila na vino cali cili.

Kasambilizya 9:3

Endi, swensi kwene icikatuponela icili cimwi, nga icintu cii iciipe mu vintu vyonsi ivikacitika umu nsi ii. Lino antu yacili nu umi amelenganyo yao yakazulamo uyi nu upena, alino yakaiukila ukuti iyafwa.

Yelemiya 31:19

Nakusangukila, lelo lyene natinzenzuka. Nintezya, nkuyuma na pa cifuwa. Ni nsonyi zyandema nu kuzewana, muzewanya wa wance uli pali nene.’

Nyimbo zya ndosya 1:7

Yano yali umu Yelusalemu mpiti yakwiusya vino umusumba wao wacindime mpiti. Lino kwali ukucimba ku anisi, kutali nanti wenga uwakuyatuula foo. Anisi yao yayasowekanga nu kuyawela apakulola kuno yaciimba.

Ezekelo 18:28

Pano wene ala watalola uyi wa vintu vino wacitanga, fwandi nawe ali pakuvita. Cacumi, umuntu wiyo alaya nu umi, atalafwa foo.

Oseya 2:7

Wene alasimwilila akambwe yakwe, lelo atalayazana. Afuma akuyalondalonda, lelo ukwaula kuyazana. Lyene alavwanga ati, “Ndaswilila ku wane wilya ndi vino nacisile ilyankolelo, pano apa nsita ilya natenzi ningo lino nali na aliwe, ukuluta vino ntenzi pali ndakai.

Luka 15:16

Lyene akumbukila kulyako vinkapala vino yakapoli yakulya, pano patali nanti umwi uwa kumupeela cakulya.

Luka 16:23

Lyene kuzimo kuno wali mukucula kukulu cuze, asanzula amanso alola Abulaamu patali, na Lazalo ala atenzi pipi nawe.

Luka 8:35

Alino antu yapita kuyalola cati cicitika. Lyene lino iiza kuli Yesu, yazana umonsi wino mipasi yankota yafumilemo, ala atenzi pa ngazo zyakwe Yesu, watazwala, nupya wali na mano ya untu. Alino onsi yuvwa intete.

Milimo 12:11

Lyene lino Petulo walooka icamucitikila, avwanga ati, “Ndakai namanya vino icacumi! Mwene wali watuma mungeli wakwe ukwiza mpususya kufuma ku maka yakwe Helodi nu ku vintu vino Ayuda yapanzile kucita kunondi.”

Milimo 2:37

Lino antu yuvwa cii, yasakamala cuze, nga yavwanga kuli Petulo na atumwa yauze, yati, “Mwe ina itu uzye tumacita uli?”

Efeso 5:14

Luswepo lukasokolola vyonsi, wakwe vino calembwa mu malembelo cati, “Zyuka, we muno ukaswile, tutuluka nga Klistu amayengesa panuli.”