Luka 14:32 - Amazwi Yakwe Leza 2013

³² Ndi atakweti maka, alatuma inkombe ku kukomanya mwene muze, kukumuzya kuti kuye mutende lino mwene acili kutali.

Luka 14:32 ပူးပေါင်းရင်းမြစ်များ

Yobo 40:9

Uzye nawe wakwata amaka wa maka yakwe Leza? Uzye izwi lyako lingapanta wizwi lyakwe Leza?

Mateo 5:25

Muvwane zuwa na similandu muzo lino muli umu nzila mukuya ku cilye, kuti atize akutwale ku nkombe ni nkombe ikupeele ku musilika kuti akuyalile mu ng'anda yaminyololo.

Mateo 5:42

Uwakulenga cimwi mupele, na wino akulonda ukukongola kunuli utamukanya.

Luka 12:58

Pano lino mukuya ku kuvwangilwa milandu nu muzo, cingazipa kuti mulanzyanye na similandu muzo lino mucili mu nzila. Pano lino amakutwala kuli kapingula wa milandu, kapingula alaya akakupeele ku musilika. Musilika nawe alakuyalila mu ng'anda yaminyololo.

Luka 14:31

“Nanti ndu mwene wafuma na antu mazimbi ikumi ku kuya lwisya mwene muze wino akwiza na antu mazimbi makumi yaili ku kumulwisya, uzye nkolelo atangaikale pansi nu kulola ndi ali na maka akuyalwisya mwene muze?

Luka 14:33

Mu musango uli onga, namunena vino pasi umwi uwa munomuli angaya mulondezi wane, suka wasya vyonsi vino akweti.”

Luka 19:14

Lelo, aikazi ya mpanga ino walimo yamupasile. Caleka yatuma inkombe pacisila cakwe kuti zikalande ziti, ‘Tusikulonda umuntu wii, kuti aye mwene witu.’

Milimo 12:20

Helodi wasokile antu amu Tuli na Sidoni. Caleka antu yaya yapita iumba kuya mulola. Inkolelo yatala yatandana icuza na Blasito, uwali umwangalizi mwi sano. Lyene yaile kuli Helodi nu kumuuzya ukuti paye mutende, pano impanga yao yafumyanga ivyakulya ku mpanga yakwe.