Luka 14:13 - Amazwi Yakwe Leza 2013

¹³ Lelo ndi wacita cimulo, ama apina, yakasinta, vilema, ni mpafu,

Luka 14:13 ပူးပေါင်းရင်းမြစ်များ

2 Samueli 6:19

Lyene aankanya antu yonsi ivyakulya. Cila muntu wensi umu Izlaeli amupeela umukate pamwi ni cifwa ca nyama iyoce ukwika penepo na kacikamangwa ka viseekwa vya matingi.

2 Milandu 30:24

Umwene Hezekiya wapiile ing'ombe yacipambasi 1,000, alino ni mfwele ni mbuzi nazyo 7,000 izyakulya antu. Alino amakombe nayo yapeela yacipambasi 1,000 ni mfwele ni mbuzi 10,000. Yasimapepo nyanya yene yaisangulwile.

Neemiya 8:10

Neemiya ayanena ati, “Pitangini muye mukalye inyama izinone. Mukamwe ni vyakumwa ivilyompe. Wiyo atakweti ivyakuteyanya nawe mumutumile kweneko, pano uwanda uu, uwanda umwi upaatwilwe Yawe Leza witu. Mutaezya mwateeza nanti ukukungumala, pano uluzango luno Yawe amamupeela lumamukomelezyanga.”

Neemiya 8:12

Caleka antu yonsi iyapita kumwao ku kulya nu kumwa. Iyatumila nauze tumwi tumwi nu kusansamuka wakwe cimwi, apamulandu wakuti yuvwikisye muno ivintu vino vyawelenzilwe vyalola.

Yobo 29:13

Wiyo wensi uwaponelwa nu uzanzo utalangane, wampelanga upolelelo. Alino nasansamusyanga yamukamfwilwa.

Mapinda 14:31

Ukucuzya umulanda kukalanga sile imisuula kuli wiyo uwa muumvile. Lelo ukucitila umulanda uluse kuli kucindika uwa muumvile.

Mapinda 22:9

Kapela wa luse akapolelelwa, pano wapeela umulanda icakulya cakwe.

Ezaya 58:10

mwatandika nu kupeela yano yali ni nzala icakulya, lyene ale uluswepo lwane lulawala mu mfinzi, ni mfinzi iyo ilawala wi lanzi ilili pakasi ka mutwe.

Ezaya 58:7

Ukwankanya icakulya cinu kuli yano yatakweti, ukupokelela apina umu ng'anda inu, yano yatakweti ukwakwikala. Ukwazwilizya antu yano mukulola ukuti kwene yasizya. Mutafisa ukulanga antu inu uku mwinu.

Mateo 15:30

Lyene maumba akulu cuze iiza kunoli, ala yasenzile vilema, impafu, vite, yaciulu nga nayauze aingi a ndema zipusanepusane. Alino yayateka inkolelo yakwe Yesu, nawe ayapozya.

Mateo 22:10

Caleka aomvi yapita yaya mu miseo, yakonganika antu yonsi aipe na asuma yano yazanyile, nu muputule usuka ucepa.

Luka 11:41

Lelo pelini vino vili mu mbale ku apina, alino myenzo inu imasanguluka.

Luka 14:12

Lyene Yesu anena wino uwamwamile ati, “Lino ukupeela vyakulya vya nsita ya musanya nanti mulalilo, utaama yacuza yako nanti aina yako nanti akazi kako nanti ainipamba akama. Pano nao kwene yalakwama, nga mu musango ndi uu ulalipilwa pali cino wacisile.

Luka 14:14

Lyene ulapolelelwa, pano yasi na maka akuti yakakuwezezye. Leza alakuwezezya pa wanda uno alalenga antu aololoke yazyukuke kufuma ku afwe.”

Luka 14:21

“Alino muomvi waswililemo aya anena mwene wakwe vii vyonsi. Lyene mwine wa ng'anda asoka, nga anena muomvi wakwe ati, ‘Pitisya yanga mu miseo nu mu masansa amu musumba, ukalete kuno apina, yakasinta, impafu, ni vilema.’

Milimo 9:39

Caleka Petulo apita nao. Lino wafika, yamutwala pa muputule uwa papela. Alino yamukamfwilwa yonsi yamulizizya, ala yakulila nu kumulanga amalaya na makoti yano Dokasi wayasumile lino acili umumi.

Malango 14:29

Ivyakulya vivyo vilaya ivya ina Levi, yao atakwata impanga wakwe mwemuno mwasyala, na inamasi, na ana asyale, na yamukamfwilwa, yano yakaikala mu misumba inu. Yene yalinzile kwiza tola vyonsi vino yuulilwa. Muce mwacita vivyo pakuti Yawe Leza winu ace amupolelele mu milimo inu yonsi.”

Malango 16:11

Muce mwasansamuka pa manso yakwe Yawe Leza winu, mwemwe pali pamwi na ana inu, na aomvi inu, na ina Levi, na inamasi, na ana asyale, alino na yamukamfwilwa yano mukaikala nayo. Muce mucite cii pa ncende yonga iyakupepela penepo.

Malango 16:14

Muce mwasansamuka pamwi na ana inu, na aomvi inu, na ina Levi, na inamasi, na ana asyale, alino na yamukamfwilwa yano yakaikala mu misumba inu.

1 Timoti 3:2

Intunguluzi yamwi uvi italinzile kutungwa kayi. Wene alinzile kukwata muci wenga sile, nu kuya mutekele, wa mano, wa mucinzi, akasunga aenyi ningo mu ng'anda yakwe. Wene alinzile kuya mukampuke ku kusambilizya.

1 Timoti 5:10

nupya uwamanyikwa mu kuomba milimo isuma, kukuzya ana yakwe ningo, kusunga aenyi mu ng'anda yakwe, kutumikila aina Klistu yauze mu ufuke, kwazwa antu ali mu ntazi, nu kuipelesya kucita visuma.

Tito 1:8

Wene alinzile kuya kacita wa milimo ya luse, kapokelela wa enyi, nupya uwatemwa kucita visuma. Wene alinzile kuikanya, nu kucita vilungame, alinzile kuya uwamuzilo nupya musundike.

Filimoni 1:7

We mwinane mukundwe, kutemwa kuno wakwata kwatuletela luzango lukulu nu ukomelezyo cuze! Wemo wasansamusya myenzo ya antu yakwe Leza onsi.

Ayebulai 13:2

Mwaiusya kuzengela aenyi mu mang'anda inu. Kwali antu yamwi yano acisile vikwene nu kuzengela angeli kwaula kumanya.