Luka 14:11 - Amazwi Yakwe Leza 2013

¹¹ Pano wensi akaikuzya wene alacefiwa, na wino wensi waicefya wene alakuziwa.”

Luka 14:11 ပူးပေါင်းရင်းမြစ်များ

2 Samueli 22:28

Wemo ukatuula yao afuke, lelo ukapulumula antu yacilumba.

Esita 6:10

Umwene Aasuwelo nawe anena Hamani ati, “Ale fwandi kalauka kalonde insalu na punda ndi muno uvwangile, ngu cindamike Modekai, Umuyuda wiyo akaikala apa mpongolo ya mwene. Utezya usye nanti cimwi pali vyonsi vino watutungulula apa kanwa kako.”

Yobo 22:29

Pasi pano Leza akapulumula antu ya mataki na acilumba. Lelo yayo akaicefya, yene akayapususya nu kuyapolelela.

Masamu 138:6

We Yawe, nanti angala wacindama vivyo, lelo ukalolekesya pali yao aicefya, avilumba nayo yatange yafisame kunuli.

Masamu 18:27

Wemo ukatuula antu aicefya, lelo acilumba yene ukayacefya.

Mapinda 15:33

Ukoopa Yawe ali kusambilila vyamano. Ukuicefya ali kukolelela ukulola umucinzi.

Mapinda 18:12

Ukuiwanzya umukasi ka mwenzo, ukukakolelela ukuponga. Ukuicefya ali kuno kukakolelela ucindami.

Mapinda 25:27

Citazipa ukulya uci ukuluta apa cipimo nanti ukuzumila amazwi aku kulyombeleka.

Mapinda 29:23

Icilumba ca muntu cikamuletelela mpaka acefiwa, lelo umuntu akaicefya wene yakamucindika.

Ezaya 2:11

Akuno uli uwanda umwi umu pipi, uno antu avilumba yalafusiwa amanso yao, uwanda uno ivilumba vyao vilasila. Awewe wenga sile we Yawe, wemuno ulacindamikwa mu wanda ulya.

Ezaya 2:17

Ali wanda uno ivilumba vya muntu ali wensi na munyele alamukangoka. Mu wanda ulya ali lino wewe wenga mpo we Yawe yalakulumbanya.

Ezaya 57:15

Pano nemo ne Leza Wapapelapela nemuno nikala umu ncende yamuzilo, nkaamwa ukuti Wamuzilo wilya, nkuti, “Nkaikala umu ncende yapapelapela yamuzilo. Lelo nkaikala na antu aicefya nupya afuke myenzo, kuti aicefya yayo njapupuzule imyenzo.

Mateo 23:12

Pano wino wensi akaikuzya wene alacefiwa, na wino wensi akaicefya wene alakuziwa.

Luka 1:51

Mwene wataomvya ikasa lyakwe lya maka pa kusalanganya antu a myenzo ya cilumba.

Luka 1:52

Watasisya asambazi pa vilimba vyao vya wene, lelo watakwezya antu aicefya.

Luka 14:12

Lyene Yesu anena wino uwamwamile ati, “Lino ukupeela vyakulya vya nsita ya musanya nanti mulalilo, utaama yacuza yako nanti aina yako nanti akazi kako nanti ainipamba akama. Pano nao kwene yalakwama, nga mu musango ndi uu ulalipilwa pali cino wacisile.

Luka 18:14

Yesu avwanga ati, “Namunena nati, kasonkisya waswilile ukwakwe uwakaele pa manso yakwe Leza. Lelo Mufaliseo waswilile ukwakwe na maifyo yakwe. Pano wensi akaikuzya wene alacefiwa, na wino wensi akaicefya wene alakuziwa.”

Yakobo 1:9

Mwina Klistu mupina alinzile kusansamuka lino Leza walenga kuti acindame.

Yakobo 4:10

Muicefye mweisikulu pa manso ya Mwene, nga nawe alamutumpula.

Yakobo 4:6

Lelo cikuku cino Leza akatukwatila cene ica maka kuluta. Cili ndi vino malembelo yakati, “Leza akakanya umuntu wensi uwa cilumba, lelo akaya ni cikuku ku muntu uwaicefya.”

1 Petulo 5:5

Mu musango uli onga kwene alumendo yalinzile kuyela aikolo. Nupya mwensi mulinzile kufukilana, pakuti mwatumikilana. Pano calembwa mu malembelo cati, “Leza akakanya yao aya ni cilumba, lelo waya ni cikuku kuli yao aicefya.”

1 Petulo 5:6

Acino, lyene muicefye nkolelo ya maka yakwe Leza, nga nawe alamukatusya mu nsita ino wasonta.

1 Samueli 15:17

Samueli nawe amunena ati, “Nanti angala mpiti wailolanga wemwisikulu wa muntu umucepesye pa antu, ala wewe uli ntunguluzi ya mitundu yonsi iya ina Izlaeli. Yawe, uwakulasike utesi pa ina Izlaeli.