Luka 13:7 - Amazwi Yakwe Leza 2013

⁷ Caleka wanenyile muomvi uwamu calo ati, ‘Uvwa! Pa myaka itatu nkaiza mu kulonda masamvu ku muti uu, lelo nsizanako nanti lyonga. Ukome upone pansi! Uzye pacani cino wene ungafumwila musili mu calo?’

Luka 13:7 ပူးပေါင်းရင်းမြစ်များ

Kufuma 32:10

Caleka ndakai utandesya kuti njonone, pamulandu wakuti nene musoke cuze, lyene wemo na amu mupanda wako ndalenga kuti muye luko lukulu.

Danieli 4:14

Alino alaizya ni zwi likulu ati, ‘Sinda icimuti nu kusankola imisambo yakweco. Ucipulule na mafwa nu kusansanta iviseekwa vyakweco. Zinga inyama zino zikuuwa mwenemo kumwi ni vyunyi ivili mu misambo yakweco.

Aina Levi 19:23

“Lino mulingila mu mpanga ya Kenani nu kulema imiti ya viseekwa vya mwata uli onsi, iviseekwa vya ku miti iyo ivilaseeka pa myaka itatu mukavicite wa viseekwa vyamifitalila. Pa myaka yonsi itatu mutalinzile kulya iviseekwa vya ku miti iyo.

Aina Levi 25:21

Yawe alapolelela impanga iyo mu mwaka uwalenga mutanda cakuti ilamupeela ivyakulya ivingi vyakulingana nu kulya pa myaka iili.

Mateo 7:19

Umuti onsi uno usyaseeka vizao visuma ukakomwa, nu kusumbwa mu moto.

Luka 13:8

Lelo muomvi aasuka ati, ‘Mwene leka uye, tuulolele pa mwaka onga sile. Nemo ndaulimilila mwisika nu kwikamo muvundo.

Luka 3:9

Na ndakai kwene impasa iteyanyiziwe ku kusinda imiti pa visinte. Umuti onsi uno usiseeka vizao visuma ulakomwa nu kusumbwa mu moto.”

Yoane 15:2

Tata akasisya misambo yonsi muli nene ino isyaseeka vizao, nga yonsi ino ikaseeka, yene akaitungwila kuti izifiwe nu kuseeka vizao vingi.

Yoane 15:6

Wino wensi asyaikala munondi wene alasumbwa wa musambo nu kunyala. Antu yakakolonganika misambo ndi vino uu, yaisumba mu moto, muno ikapya.