Luka 13:6 - Amazwi Yakwe Leza 2013

⁶ Lyene Yesu ayanena mulumbe ati, “Kwali umuntu uwakweti calo ca matingi muno mwali musamvu uwakulanga. Lyene waile ku kulonda masamvu ku musamvu, lelo atazanyileko nanti lyonga.

Luka 13:6 ပူးပေါင်းရင်းမြစ်များ

Yelemiya 2:21

Nemo walanga nakulema wa muti wa matingi uwa mbezu, ulondoloke. Lyene tala lola vino watuya! Uli wa muti wa matingi uole, uwa ciwelewele sile.

Yelemiya 8:13

Yawe wavwanga wati, “Nalondesyanga ku kolonganika antu yane ndi vino umulimi akakoozya ivyakulya. Lelo yene yakoline wa mutingi usi na matingi, wa musamvu usi na masamvu. Na mafwa kwene yumila kumwi. Caleka natinzumilizya ainamasi kuti yapoke icalo.”

Luka 13:5

Namunena nati, awe. Lelo ndi mutangazenzuka, mwensi kwene mulalowa wakwe vino yalovile.”

Luka 3:9

Na ndakai kwene impasa iteyanyiziwe ku kusinda imiti pa visinte. Umuti onsi uno usiseeka vizao visuma ulakomwa nu kusumbwa mu moto.”

Yoane 15:16

Asi mwemwe mwansolwile, lelo nene namusolwile nu kumutuma kuti mukaseeka vizao vingi, vino vikaikalilila. Caleka Tata alamupeela consi cino mulamulenga mwi zina lyane.

Galatiya 5:22

Lelo Mupasi Wamuzilo wene akatulenga kuti twatemwana, kuya nu luzango, mutende, kuteeka mwenzo, uluse, cikuku, kuya a cumi,

Filipi 4:17

Asi pamulandu wakuti nkulonda sile kupokelela cimwi kufuma kunomuli, lelo nkulonda kuti namwe mupokelele upolelelo kufuma mu kupeela.

Yakapingula 9:11

“Lelo umusamvu iwasuka uti, ‘Pakuti imuteke, suka ntale nte ukuseeka ivizao visuma nupya ivilyompe.’