Luka 13:32 - Amazwi Yakwe Leza 2013

³² Yesu nawe ayanena ati, “Pitini mukanene nkusa wiyo muti, ‘Nkufumya mipasi yankota nu kupozya alwale ilelo na mutondo na pa wanda walenga yatatu ndamalila kuomba.’

Luka 13:32 ပူးပေါင်းရင်းမြစ်များ

Lwimbo lwakwe Solomoni 2:15

Tulemelini yankusa, tunkusa tunono, lino tutatalatonona ivyalo vitu vya matingi, vyalo vitu muno matingi yatiyawalula.

Ezekelo 13:4

Yakasema yako we Izlaeli, yakoline na yankusa mu matongwa.

Zefaniya 3:3

Yacilolo yako yakung'anza wakwe yacisama, ni ntunguluzi zyako zikoline wa mimbulu, ino isyasya nanti cimwi kuti cifike nu mukatondo.

Mako 6:14

Lyene mwene Helodi auvwa vintu vii vyonsi, pano impwelo ya pali Yesu yalanga yati salangana konsi. Antu yamwi yavwanzile yati, “Yoane Kawatizya watazyukuka kufuma ku afwe. Acino akwatile na maka akucita ivinjelengwe.”

Yoane 10:32

Yesu ayanena ati, “Nati ncita vicitwa vingi visuma vino Tata wampile kuti ncite. Uzye apa vicitwa vii pano mukulonda kuntama na mawe?”

Yoane 19:30

Lelo lino Yesu wafyompako, avwanga ati, “Casila!” Alino ainama nga afwa.

Ayebulai 2:10

Cali icisuma ukuti Leza, wino uwaumba vintu vyonsi nu kuvisunga ningo, acite Yesu aye umufumaluke mu kupita mu macuzi kuti atungulule ana yakwe aingi kukumako ku lulumbi lwakwe. Pano Yesu ali ntunguluzi ya kuyatungulula ku ufyusi.

Ayebulai 5:9

Na lino wacisilwe umufumaluke, wizile aya intulo ya ufyusi wa manda pe kuli yonsi akamuyela.

Ayebulai 7:28

Masunde yakwe Mose yakasonta antu asi yafumaluke kuti yaye yasimapepo akulu. Lelo ulayo wakwe Leza uno wene wacisile nu mulapo wizile cisila ala Masunde yakwe Mose yapeelwa, wene wasonta Mwana. Mwana wacitwa mufumaluke manda pe.