Luka 13:24 - Amazwi Yakwe Leza 2013

²⁴ “Lwisini kwingilila pa mulyango ufyenkane. Pano namunena vino antu aingi yalalonda kwingila, lelo yalaposiwa.

Luka 13:24 ပူးပေါင်းရင်းမြစ်များ

Mapinda 14:6

Katumfya wa yauze angalondelezya amano ukwaula kuyazana, lelo umuntu mufuke wene akalooka ivintu visuma muli zuwazuwa.

Mapinda 21:25

Ulunkumbwa lukakoma umukasu, pano iminwe yakwe ikakana ukuomba imilimo.

Kasambilizya 10:15

Suka sile iciwelewele ca muntu icingaomba imilimo mpaka citemboke cakuti ciponge ni nzila yakuswililila ku muzi.

Ezaya 1:15

Nanti mungakatusya amakasa umupela apakumpepa, nemo lyene ntakusumbanga kweneko amano. Nanti mumpepe uli nemo namapupuzyanga sile, pano iminwe inu ikowele ku uyi.

Ezekelo 33:31

Antu yane yakaiza kunuli iumba likalamba, yiza yikala pa nkolelo yako apa kuvwa amazwi yako, lelo yakana ukuyalondela. Mu tunwa twao mwazula intumpu, nu mu myenzo yao mwaya ulwiswa lwa vyuma vino yakalonkela uku ukakasi.

Mateo 11:12

Kufuma mu manda yakwe Yoane Kawatizya kufika na ndakai, antu yakalwisyanya nu Wene wa mwiyulu, na antu ya maka alio yakuupoka.

Luka 13:23

Umwi amuuzya ati, “Mwene, Uzye antu alatuulwa anono sile?” Nawe ayaasuka ati,

Luka 21:36

Acino pempulini nu kupepa nsita zyonsi pakuti muye na maka a kuutuka ku vintu vyonsi iviliza vicitike, nga nu kwimilila pa manso ya Mwana wa Muntu.”

Yoane 13:33

Mwe ana yane, namaya namwe pa kasita kanono sile. Mulandonda, lelo namunena vino nanenyile intunguluzi zya Ciyuda, inti ‘Mutangaya kuno nkuya.’

Yoane 5:4

Pano mu tusita tumwi tumwi mungeli wa Mwene wikilanga mu ciziya ku kuvundola manzi. Lyene umulwale wino wakolela kwingilamo lino manzi yavundolwa, wene apoziwa ku ndwala yonsi ino wali nayo.]

Yoane 6:27

Mutaombela cakulya cino cikalowa, lelo mwaombela cakulya cino cikaikalilila manda pe nupya cikapela umi wape. Cii cili cakulya cino Mwana wa Muntu alamupeela, pano Leza Tata wamupeela insambu yakucita vivyo.”

Yoane 7:34

Mulandonda, lelo mutalanzana, pano mwemo mutangaya kuno ndikala.”

Yoane 8:21

Yesu ayanena nupya ati, “Nemo ndapita, namwe mulandonda. Lelo mulafwila mu maifyo inu. Kuno ndaya mwemo mutangayako.”

Loma 10:3

Pano yatamanya inzila ino Leza akacitilamo antu kuya aololoke pa manso yakwe. Lelo mu cifulo cakwe cico, yene yezya kuya aololoke umu nzila yao aisikulu. Nupya yatazumila nzila yakwe Leza ino akacitilamo antu kuya aololoke pa manso yakwe.

Kolose 1:29

Pakuti cii cicitwe nemo nkuomba nu kulwisya, ala nkuomvya maka yano Klistu akampeela, nupya yano yakuomba munondi.

Ayebulai 4:11

Lekini lyene tucite consi cino tungacita kuti twingile mu kupuza kuku, pakuti kutaya umwi munotuli uwakuposiwa ndi vino cali kuli yaya pamulandu wa kuntataila kwao.

Yoswa 7:3

Lino yawela kuli Yoswa, iyamunena yati, “Nanti tutaile swensi kweneko cisi nu mulandu. Tuma sile antu amazimbi yaili nanti yatatu akuti yakapoke impanga ilya. Utatuma ivita vyonsi pasi pano aikazi amu Ai yatavula.”

2 Petulo 1:10

Caleka, inane ezyini na maka kucita consi icingalanga ukuti Leza wamwama nupya wamusolola. Ndi mwatwalilila kucita cii, ale lyene mutalatala mupone mu utailo winu.