Luka 13:14 - Amazwi Yakwe Leza 2013

¹⁴ Intunguluzi yamu ng'anda ya mapepo ikalipa pano Yesu wapozya umuntu pa Sabata. Caleka ivwanga ku antu iti, “Kwaya manda mutanda yano tungaombamo. Caleka mwaiza mu manda yaa mukupoziwa, lelo mutaiza pa Sabata!”

Luka 13:14 ပူးပေါင်းရင်းမြစ်များ

Kufuma 20:9

Mu manda mutanda waomba imilimo yako yonsi.

Kufuma 23:12

“Waomba imilimo yako mu manda mutanda, lelo pa wanda uwalenga cinimbali utaomba imilimo, kuti yamasaye yako yapuze pamwi na ya punda kwene. Nupya kuti azya yako nga na inamasi yapuze.

Ezekelo 20:12

Nayapile na Masabata yane kukuya icimanyililo pakasi kao nani, cakuyamanyisya ukuti akayazifya anene ne Yawe.

Ezekelo 34:21

Pano imfwele zitonte uku mbazo zinu mwemo mukazipumola nu kuzisunka pakuti zifume mu ufyo.

Aina Levi 23:3

Mwaomba imilimo inu mu manda mutanda. Lelo mwaiusya ukuti uwanda uwalenga cinimbali uwanda wi Sabata, wanda wa kupuza. Pa wanda uwo mutaomba imilimo. Lelo mwakongana ku mapepo. Uwanda wi Sabata uwakwe Yawe, usi mulandu ni cifulo cino mukaikalako.

Mateo 12:2

Lino Afaliseo yalola cii, yamunena yati, “Lola, alondezi yako yakucita cii citalingine na masunde itu pa Sabata.”

Mako 5:22

Yailo, intunguluzi yamu ng'anda yamapepo aiiza. Lino walola Yesu, amufukamila

Luka 6:11

Nao yasoka cuze, yumana kapi pali cino yangacita kuli Yesu.

Luka 6:7

Yakasambilizya ya Masunde yamwi na Afaliseo yalondelezyanga mulandu wakupeela Yesu. Caleka yamucevya kuti yalole ndi amamupozya pa Sabata.

Luka 8:41

Lyene kwiza umuntu izina lyakwe a Yailo, wiyo uwali intunguluzi yamu ng'anda ya mapepo. Afukamila Yesu amupapata kuti apite nawe ku ng'anda yakwe.

Milimo 13:15

Lyene pacisila ca kuwelenga mazwi amu lupapulo lwakwe Mose nga na zyakwe yakasema, intunguluzi zyamu ng'anda yamapepo zituma mazwi kunoyali ziti, “Ina itu, ndi muli na mazwi yamwi akukomelezya antu, vwangini.”

Milimo 18:17

Onsi yalema Sositeni, intunguluzi ikalamba yamu ng'anda ya mapepo, yamumila pa mulyango wa cilye. Lelo cico citasakamike Galio nanti panono.

Milimo 18:8

Kilisipa, intunguluzi ikalamba yamu ng'anda ya mapepo wataile mu Mwene, pali pamwi na amu ng'anda yakwe onsi. Antu aingi yauze amu Kolinto yano auvwile ilandwe yataila, nga yawatiziwa.

Loma 10:2

Pano nene kambone wao pali vino yaipelesya kuli Leza. Lelo yatamanya ningo vino kuipelesya kwao kulinzile kuye.

Malango 5:13

Mu manda mutanda waomba imilimo yako yonsi.