Luka 12:58 - Amazwi Yakwe Leza 2013

⁵⁸ Pano lino mukuya ku kuvwangilwa milandu nu muzo, cingazipa kuti mulanzyanye na similandu muzo lino mucili mu nzila. Pano lino amakutwala kuli kapingula wa milandu, kapingula alaya akakupeele ku musilika. Musilika nawe alakuyalila mu ng'anda yaminyololo.

Luka 12:58 ပူးပေါင်းရင်းမြစ်များ

Yobo 22:21

“Ali cino fwandi wemo Yobo, uwauvwana sile na Leza wako pakuti uye nu longo.

Yobo 23:7

Angatala andole ukuti kwene umuntu wi akuilolwela umu ufumacumi! Ali cino fwandi, kapingula wane angasuka anjele mizu.

Masamu 32:6

Ali cino fwandi wiyo wensi akakutontelela, amakulenganga lilyo lyonsi lino waya umu ulanda. Nanti mulamba wacitalawe angiza uli, wene atange afike kunoyali.

Masamu 50:22

Mwemuno mwansula, ne Leza, cenjelini! Pano limwi mungazana ukuti namusantola ukwaula nu wakuti amutasye.

Ezaya 55:6

Londini Yawe apa nsita ino angazanwa, mwamini lino ali mupipi.

Mateo 18:30

Lelo wene akana, amutwala ku ng'anda yaminyololo kuti akayalilwe kufika na lino alalipa nkongole yakwe.

2 Kolinto 6:2

Leza walanda mu malembelo ati, “Lino kasita kasuma kakumwazwa kafisile, nuvwile kuno muli, nga na lino wanda wafisile uwakuti imutuule namwazwizye.” Uvwini! Ndakai kasita kasuma kakumwazwa. Uvwini! Ilelo wanda wa kutuulwa.

1 Petulo 3:19

Lino wali mu mupasi, wene waile akosola ku mipasi inyepwe.

2 Petulo 1:15

Uli mulandu uno nemo indi nukucita consi icingacitwa pakuti ndeke mwensi mwaiusya vintu vii na pacisila ca mfwa yane.

Yuda 1:3

Mwe yacuza yane akundwe, nalondesyanga kumulembela pa vya ufyusi uno swensi twakumako. Lelo pandakai calondekwa kuti mulembele kuti imukomelezye kutwalilila mu ulwi wa kucingilila utailo uno Leza wapela ku antu yakwe.

Umbwilo 20:7

Pacisila lino myaka izimbi lyonga yasila, Ciwa alasapulwa mu ng'anda yaminyololo.