Luka 12:48 - Amazwi Yakwe Leza 2013

⁴⁸ Lelo wino atamanyile vino mwene wakwe akasi, ndi waomba milimo ingamulenga kuvunukwa, wene alumwa vikoti vinono. Pano kuli wino wapelwa vingi, ni vingi vilalondwa kufuma kunoli. Na kuli wino yaseekela vingi, ni vingi kuluta vilalondwa kufuma kunoli.

Luka 12:48 ပူးပေါင်းရင်းမြစ်များ

Aina Levi 5:17

Muntu umwi ndi wifya ukwaula kumanya, pakuntayela consi camu malamulo yakwe Yawe, wene ali nu mulandu nupya alinzile ukulipa.

Mpendwa 15:27

Lelo ndi cakuti umuntu wenga sile wifya ukusi ku mufulo, wene alinzile ukupeela imbuzi, musesi uwa mwaka onga ukuya uwila wa kwelela amaifyo.

Mateo 13:12

Pano wino wensi akweti wene alapeelwa navyuze, na wino wensi atakweti cimwi nawe alapokwa nu tunono tuno akwelenganya kuti akweti.

Mateo 23:14

Kalanda kunomuli mwe yakasambilizya ya Masunde na Afaliseo! Mwe yasomvi mwe! Mukaliila yamukamfwilwa vyuma mu ucenjezi nu kuyasomba pa kuyapepela mapepo atali. Caleka mwemo kuvunukwa kwinu kulaya kukulu cuze.]

Luka 12:41

Petulo amuuzya ati, “Mwene, uzye mulumbe uu uli pali sweswe, nanti uli pali onsi?”

Luka 12:49

“Niiza aasya umoto mu nsi. Endi, cange ciye ale umoto watandika mpiti ukwaka!

Luka 16:2

Caleka aama kangalila amunena ati, ‘Icani cii, cino nkuuvwa pali wewe? Leta tuvwe ndole vyalembwa pamulandu wa wangalizi wako, pano nupya utangaya kangalila.’

Yoane 15:22

Ndi ntizile mvwange kunoyali, nga yasi nu mulandu wa kwifya. Lelo ndakai kusi kuno yangaleukila pa maifyo yao.

Milimo 17:30

Caleka nsita zyakuntamanya Leza wasulanga kuli vino antu yacitanga. Lelo ndakai watapela ilamulo ku antu yonsi konsikonsi kuti yazenzuke.

Malango 25:2

Ndi cakuti umuntu wino yasinda umulandu yamupingwila ukuumwa ivikoti, kapingula wa milandu alinzile wamulambalika pansi, ale afupime, alino amume ivikoti. Impendwa ya vikoti ilinzile yalingana nu mulandu uno wacisile.

1 Timoti 1:11

Usambilizyo usuma ukazanwa mwi Landwe Lisuma lino Leza, uwa lulumbi nupya uwa kulumbanya wampile.

1 Timoti 1:13

Wene wacisile cii nanti angala mu manda apita cisila namuvwangile viipe, nu kumuzunya nga nu kumutuka. Lelo Leza wali na mizu kunondi pamulandu wakuti lilya ntakweti utailo nupya ntamanyile cino nacitanga.

1 Timoti 6:20

We Timoti usunge ningo vintu vino walasikwa. Utakumako ku mazwi a cilandelande nga ni vikanza vyakutumpa vino antu yamwi mukuluvyanya kwao yakati, “Ukumanya.”

Tito 1:3

Lino insita yafisile Leza, Katuula witu, wasokolwile cii ku antu kupitila mwi landwe lyakwe. Leza uwandasike mulimo uu. Nani nkakosola pa kuyela ilamulo lyakwe.

Yakobo 3:1

Inane, aingi munomuli yatalinzile kuya yakasambilizya. Mwamanya ukuti swe yakasambilizya tulapingulwa nu kucecetwa cuze kuluta yauze.