Luka 12:42 - Amazwi Yakwe Leza 2013

⁴² Mwene nawe amwaasuka ati, “Uzye lyene, muomvi mutailwe nu wamano aweni? Awiyo wino mwene alamucita kangalila, uwakulolela ing'anda nu kupeela aomvi yauze vyakulya vyao pa nsita ilinge.

Luka 12:42 ပူးပေါင်းရင်းမြစ်များ

Kufuma 36:4

Lyene yafundi ya milimo yonsi yano yaombanga imilimo ya kukuula Itaalu lyamuzilo, umuntu wensi kulingana na vino wamanya, yasya imilimo yao,

Mapinda 12:8

Umuntu yakamutaizya pamulandu na mano yakwe, lelo uwa mwenzo waciwelewele wene akazewana.

Mapinda 15:23

Ukwasuka ningo kukasansamusya umuntu, nu kulanda amazwi asuma kwazipa.

Mapinda 27:18

Wiyo akasakamala umusamvu, aliwe akalya amasamvu. Na wiyo akawaka umusambazi wakwe, nawe akapelwa umucinzi.

Mapinda 31:15

Akakatuka katondotondo apa kuteyanyizizya ang'anda yakwe ivyakulya, nu kwankanya aomvi yakwe incito.

Ezaya 50:4

Yawe Simwandalali wampile ululimi lwa kumanya vyakulanda, apakuti ningakomelezya yayo atovoke. Cila katondo akanzyula, nu kuleka amatwi yane yatezye, wa muntu akusambilila.

Yelemiya 23:4

Alino ndasonta yakacema yano yalazisakamala nu kuzilisya. Zitalaoopa nanti ukuzakaza foo, nupya patalaponga nanti yonga.” Ivyalanda Yawe.

Ezekelo 34:3

Mwemo mwailyokezyanga iziya, mwazwalanga insalu izyokoswa na mavumbu ya mfwele kwene, mwakomanga imfwele iziine ningo, lelo mutacemanga ufyo foo.

Mateo 13:52

Alino ayanena ati, “Caleka kasambilizya wa Masunde wensi wino uwaya mulondezi wa Wene wa mwiyulu wene akoline nu mwine ng'anda, wino akafumya vyuma vyakwe vipya ni vikote mu nkoma yakwe.”

Mateo 20:8

“Lyene manguzi, mwine wa calo ca matingi anena kapitao wakwe ati, ‘Ama aomvi kuti njapele malipilo yao, kutandika na yao alemvilwe cisila usyalikizye na yao alemvilwe nkolelo.’

Luka 12:43

Walongo umuomvi wiyo wino mwene wakwe alazana akucita wakwe vii lino aliza.

Luka 7:13

Lino Mwene wamulola, aya na mizu, nga amunena ati, “Utaalila.”

Luka 7:19

Yoane aama yaili amu alondezi yakwe. Ayatuma kuli Yesu ku kumuzya, yati, “Uzye wewe uli wino Yoane walanzile ukuti akwiza, nanti tumalolelanga muze?”

Milimo 20:28

Caleka muisunge mweisikulu, musunge nu ufyo uno Mupasi Wamuzilo wamwika kuya angalizi. Muye yakacema aiuvi lyakwe Leza, lino wacisile ukuya ilya kwakwe ukupitila mu mfwa ya Mwana wakwe.

1 Timoti 3:15

Lelo ndi cakuti ningacelwa kwiza, ale mazwi amuli kalata wii yalakumanyisya vino micitile itu mwi uvi ilinzile kuya. Antu amu ng'anda yakwe Leza lili uvi lyakwe Leza wa umi kwene, nupya yene yakoline wa lupanda mu kutungilila iuvi.

1 Timoti 5:17

Aikolo yano akaomba mulimo usuma uwa kutungulula iuvi yene yalinzile kulipilwa, maka maka yao akaombesya mu kukosola nu mukusambilizya yalinzile kupelwa malipilo lili kuluta.

2 Timoti 4:2

nkuti kosola ilandwe, komaila penepo mu nsita ino antu yatakulonda na ino yakulonda. Nupya lino ukusambilizya wasinila, wanenola, wakomelezya lelo wacita vii vyonsi mu kuteeka mwenzo.

Tito 1:7

Wikolo wino akatungulula iuvi wene akaangalila mulimo wakwe Leza. Caleka wene atalinzile kuya uwa mpwelo mbi. Wene atalinzile kuya akaitumika nanti musepukilwe, nanti mukolesi nanti uwalwete nanti uwalwiswa lwa mpiya.

Ayebulai 13:17

Mwayela intunguluzi zinu nu kulondela malamulo yao. Yene yakasopa umi winu kwaula kupuza, pasi pano yalalondolola kuli Leza pa kutumikila kwao. Ndi mukuyayela lyene yamaombanga milimo yao ni nsansa. Lelo ndi musyakuyayela, yamaombanga milimo yao nu ulanda nga namwe citangaya cakumwazwa.

Ayebulai 13:7

Mwaiusya yao ali ntunguluzi zinu, yano amunenyile ilandwe, mazwi yakwe Leza. Elenganyini musango uno ikalanga na vino yafwile, nga mukolane na alio mu utailo wao.

Ayebulai 3:5

Mose wali muomvi uwakutailwa mu ng'anda yakwe Leza nupya wene wavwanzile vintu vino Leza alavwanga mu manda akwiza.

1 Petulo 4:10

Cila muntu akangalila wa wila pa mawila apusane kufuma kuli Leza. Acino umwangalizi musuma alinzile kuomvya uwila uiyele mu kwazwa antu yauze.