Luka 12:32 - Amazwi Yakwe Leza 2013

³² “Mutoopa, mwe ufyo unono wa mfwele, pano So camuzanzya kuti amupeele Uwene wakwe.

Luka 12:32 ပူးပေါင်းရင်းမြစ်များ

Ezaya 40:11

Amasunganga imfwele zyakwe wakwe kacema. Amakolonganikanga utwana twa mfwele, nu kutupakatila apa minwe yakwe. Amatungululanga na yanyina mfwele ningo sana, nu kuyatwala ukwa kupuzila.

Ezaya 41:14

Nupya Yawe wavwanga wati, “Mwe ina Izlaeli, nanti angala mwacepesya nu kuulilwa amaka, mutaoopa foo, pano nene namamwazwanga. Anene Leza Wamuzilo wakwe Izlaeli. Anene namamupususyanga.

Ezaya 53:6

Swensi pyu pano twapela, twazeulukanga wa mfwele, swensi twapulupuntanga sile. Yawe nawe ali pakumutwika uyi witu swensi, uno twali nu kuculilamo.

Yelemiya 3:19

“Nene nenga ne Yawe nelenganya vino ningakwingizya mu lupwa lwa ana yane, nu kukupeela impanga ya luzango. Cico icisuma ukuluta ni mpanga zyonsi izyaya panonsi. Nelenginye ukuti uwangama wakwe so, nu kumfutatila utalamfutatila, utalata nu kundondela.

Mateo 14:27

Lyene lilyo kwene Yesu nawe avwanga kunoyali ati, “Posyini! Anene! Mutoopa!”

Mateo 20:16

“Caleka acisila yalaya ankolelo, na ankolelo yalaya acisila.”

Mateo 25:34

Lyene Mwene alanena yao ali kwi kasa lilunji lyakwe ati, ‘Izini, mwe apolelelwe yakwe Tata. Ingilini mu Wene uno wateyanyizizye mwemwe kufuma ku utandiko wa uumbo wa insi.

Mateo 7:15

“Cenjelini na yakasema yaufi, yano akaiza kunomuli mu ufuke kwati umwana wa mfwele, lelo mukasi kao yakoline wa mimbulu ikali.

Luka 10:21

Pa kasita kaka Yesu azanga cuze kupitila mu maka ya Mupasi Wamuzilo, nga avwanga ati, “Tata, Mwene wi yulu ni nsi! Nakutaizya pano watusokolola ku antu atasambilila cino wafisa ku antu yamano na asambilile. Endi Tata, cii acino walondanga kuti cicitike.

Yoane 18:36

Yesu avwanga ati, “Uwene wane usi uwa muno nsi! Ndi uwene wane uya uwa muno nsi, lyene alondezi yane nga yakulwisya kuti ntapelwa ku ntunguluzi zya Ciyuda. Awe, uwene wane usi uwa muno nsi.”

Milimo 20:28

Caleka muisunge mweisikulu, musunge nu ufyo uno Mupasi Wamuzilo wamwika kuya angalizi. Muye yakacema aiuvi lyakwe Leza, lino wacisile ukuya ilya kwakwe ukupitila mu mfwa ya Mwana wakwe.

Milimo 20:29

Imanyile ukuti lino ndapita, antu ali wa mimbulu ikalipe cuze yaliza munomuli, nga yatalapanya ufyo.

Loma 6:23

Pano malipilo yi ifyo, imfwa. Lelo uwila wakwe Leza umi wape muli Klistu Yesu Mwene witu.

1 Kolinto 1:21

Pano Leza mu mano yakwe walenzile ukuti citacitika ukuti antu yamumanye kupitila mu mano yao. Lelo camuzipile ukuti antu ataila yatuulwe kupitila mwi Landwe lino tukakosola, ilikauvwika lya uwelewele ku antu yamwi.

Filipi 2:13

pano lyonsi Leza akaomba munomuli kuti mwalonda kuomba vivyo vingamuzanzya.

2 Tesalonika 1:11

Uli mulandu uno tukamupepela lyonsi. Swemo tukalenga Leza witu kuti amucite kuya alingane kwikala umi uno wene wamwamako. Lekini Leza mu maka yakwe yonsi, afikilizye kulonda kwinu kwakucita visuma nga nu kuti utailo uleke mucite vivyo.

2 Tesalonika 1:5

Vii vyonsi vikalanga ukuti upinguzi wakwe Leza usi wa lufyengo, nga nu kuti wene akumucita kuya alinge kukuma ku Wene wakwe.

Ayebulai 12:28

Lekini tutaizye Leza ndakai, pano twapokelela uwene uno utangatensiwa. Lekini twataizya nu kupepa Leza umu nzila ino ingamuzanzya nu mucinzi ni coopo kunoli.

Yakobo 2:5

Uvwini, mwe inane yakundwe! Leza wasolwile apina amu nsi ii kuti ayacite akama mu utailo nga kuti yakumeko ku wene uno walavile yao amutemwa.

2 Petulo 1:11

Mu musango kwene uu, wene alamuyulila mulyango wakwingila mu Wene wa manda pe, uwa Mwene na Katuula witu Yesu Klistu.

Umbwilo 1:6

nupya watucita kuya yakateeka na yasimapepo mu kutumikila Leza Isi wakwe. Lulumbi na maka vipelwe kuli Yesu Klistu manda pe! Ameni.

Umbwilo 22:5

Kutalaya usiku nupya yatalalonda inyali nanti luswepo lwi lanzi, pano Mwene Leza alaya luswepo kunoyali. Yene yalateeka manda pe.