Luka 12:20 - Amazwi Yakwe Leza 2013

²⁰ Lelo Leza amunena ati, ‘We ciwelewele we! Usiku kwene uu umi wako nkuulonda. Uzye lyene aweni alatola vintu vyonsi vino waisungila?’”

Luka 12:20 ပူးပေါင်းရင်းမြစ်များ

Esita 5:11

Nga Hamani atandika ukuitakizya apa ukama wakwe ni vyuma vyakwe. Apa ana yakwe aingi, na pali vyonsi vino umwene wamucindamika nu kumupeela icifulo cikalamba ukuluta apa alasi yonsi asyala na yamusika ya mwene.

Yobo 27:8

Uzye umuntu umwi wiyo atamanya Leza angakwata upaalilo, lino yamusukula nanti lino yamupoka umi wakwe?

Masamu 39:6

nu kukolana wakolana ni cinzingwa! Navino akacita, umu cuumi ivyasile sile vyonsi. Wene akaitulikila ivyuma, lelo ukwaula ukumanya wino alavilila penepo.

Masamu 49:10

Uzye wene asiilolela kuno antu yamano nayo kwene yakufwa, wakwe vino ivipuwa ni viwelewele vikafwa, iyasya ni vyuma vyao kuli yauze?

Masamu 73:19

Yakapongelela sile ukwaula nu kusumba akasita. Ee mwandi ali kupezya, yakaifwila sile uku ntete!

Masamu 78:30

Nga lelo lino yatali yasazye umusu, apa nsita kwene ino yalyanga, lino yatali yamiile nu kumila cakulya cao,

Mapinda 10:2

Icuma cakulonkela umu ucenjenzi cisituula, lelo uololoke wene ukatuula ukufuma ku mfwa.

Mapinda 11:4

Vyuma vitalakucitila nanti cimwi pa wanda wa ukali wakwe Leza, lelo ukucita vyaololoke kungakutuula.

Mapinda 13:7

Umuntu umwi akaitunga ukuya umukama lino atakweti nanti acimwi. Muze nawe akaitunga ukuya umupina, lelo ala akweti ni mitumba ya vyuma.

Mapinda 27:1

Utaezya ukuitakizya apavya wanda wa mutondo, pano utamanyile vino uwanda uwo ulaca.

Mapinda 28:8

Wiyo akasandulula ivyuma vyakwe umu kuomvya ulufyengo, ulwakulila auze mu vintu vino walonka, alavilonkela umuntu muze, nawe akavipeele nu ku alanda.

Ezaya 56:12

Intunguluzi zimwi zikolesi izikavwanga zikuti, ‘Katwalya sile nu kumwa waini umukalipisye apakuti tukolekesye! Mutondo lyene tulacizyapo.’ ”

Yelemiya 17:11

Umuntu wino akalonka icuma mu ucenjezi wakolana ni nkwale ikaulola amayayi yano itatiile. Pakasi na nkasi ka umi wakwe ali nu kuponzya vyuma vyakwe, na pakusyalikizya pasi vino alaya, lelo alasyala iciwila.

Amosi 6:13

Mukuzangila ukuti mulacimvya umusumba wa Lodebala, nu kuvwanga muti, “Uzye swemo tutacimvizye umusumba wa Kalinaimu na maka itu swenga?”

Naumi 1:10

Wa myunga ipombane nupya wa vipelele, mwe antu akolesi mulociwa nu moto!

Luka 11:40

Viwelewele mwe! Uzye asi a Leza uwaumvile kunzi nu mukasi kwene?

1 Tesalonika 5:3

Lino antu yalelenganya ukuti vyonsi vili ningo nupya mu mutende, alino lyene ulovyo ulayaponela mu kupumikizya. Wene ulayaponela wa kunyunguluka kwa mwanaci wino ali mu umbuza. Nupya yene yatalutuka.

1 Timoti 6:17

Uwanena akama mu vintu vyamu nsi kuti yataitumika, nupya yatapaalila mu vyuma vino vitakwata uyo, suka muli Leza. Wene kwaula lusoko akatupeela vintu vyonsi ivyakutuzanzya.

1 Timoti 6:7

Uzye twalesile cani muno nsi? Nanti cimwi! Uzye icani cino tungasenda kufuma muno nsi? Nanti cimwi!

Yakobo 4:14

Mutamanya nanti vino umi winu ulaya pa mutondo! Mwemo mukoline wa cunsi, cino cikaloleka pa kasita kanono nupya icita kuloleka.