Luka 12:17 - Amazwi Yakwe Leza 2013

¹⁷ Lyene mukama atandika kuivwanzya mu mwenzo wakwe ati, ‘Ntakweti incende mwakusezya ivyakulya vyane. Uzye namacita uli?’

Luka 12:17 ပူးပေါင်းရင်းမြစ်များ

Kasambilizya 11:2

Uwaika uculuzi wako mu ncende zivule, endi mu ncende zivule, pano we muntu utange umanye isyamo lino lilakuponela mu nsi ii.

Ezaya 58:7

Ukwankanya icakulya cinu kuli yano yatakweti, ukupokelela apina umu ng'anda inu, yano yatakweti ukwakwikala. Ukwazwilizya antu yano mukulola ukuti kwene yasizya. Mutafisa ukulanga antu inu uku mwinu.

Mateo 16:7

Nao yalanzyanya aisikulu yati, “Akuvwanga cii pano tutasenzile mikate.”

Mateo 5:42

Uwakulenga cimwi mupele, na wino akulonda ukukongola kunuli utamukanya.

Luka 10:25

Lyene umuntu umwi uwali nkonkotela ya Masunde akatuka kuti aezye Yesu. Amuuzya ati, “Kasambilizya, Uzye ncite uli pakuti mpokelele umi wape?”

Luka 11:41

Lelo pelini vino vili mu mbale ku apina, alino myenzo inu imasanguluka.

Luka 12:16

Lyene Yesu ayanena mulumbe uu ati, “Kwali calo ca mukama umwi icamezyanga ivyakulya ivingi.

Luka 12:18

Alino aivwanzya ati, ‘Ndacita cii, ndomolola inkoma zyane zyonsi nu kukuula zyuze zikulu, muno ndiika ivyakulya vyane ni vyuma vyane vyonsi.’

Luka 12:22

Lyene Yesu anena alondezi yakwe ati, “Caleka namunena ukuti mutasakamala pali vino mumalya pakuti muye nu umi, nanti pa vizwalo vyakuzwika imili inu.

Luka 12:29

“Acino mutasakamala nanti ukwaziwa pali vino mumalya nanti kumwa.

Luka 12:33

Kazyini vyonsi vino mukweti, mupele impiya ku apina. Ilondelini vikwama visyapunguka. Nu kusunga vyuma vinu mwiyulu muno vitalatala vipunguke, pano aiivi yatangafikako nu kwiya, nu wonyi nao utangalya vyuma vivyo.

Luka 16:3

Kangalila nawe aivwanzya umwisikulu ati, ‘Mwene wane amanzinga pa ncito yane. Uzye namacita uli? Ntakoma ku kulima, nupya nakwata ni nsonyi zyakulenga.

Luka 16:9

Caleka namunena ukuti muomvye vyuma vya ucenjezi mu kwandana ucuza, pakuti lino vyuma vyasila yakamupokelele mu ng'anda yape.

Luka 18:22

Lino Yesu uvwile cii, amunena ati, “Kuli cintu conga sile cino ulizya. Kakazye vyonsi vino wakwata ukapeele ni mpiya zino ulazana ku apina, nga ulaya ni vyuma mwi yulu, lyene wize undondele.”

Luka 19:17

Mwene wakwe amunena ati, ‘Waomba ningo, we muomvi musuma! Pano wali uwakutailwa mu vintu vinono. Namakucita kangalila wa misumba ikumi.’

Luka 3:11

Nawe ayanena ati, “Wino wensi ali na malaya yaili, alinzile apeleko wino atakweti. Na wino wensi ali ni cakulya, alinzile ankanye auze.”

Milimo 16:30

Lyene pa cisila ca kuyafumya panzi, ayauzya ati, “Yasambazi, uzye ncite uli kuti ntuulwe?”

Milimo 2:37

Lino antu yuvwa cii, yasakamala cuze, nga yavwanga kuli Petulo na atumwa yauze, yati, “Mwe ina itu uzye tumacita uli?”

Loma 12:13

Mwakumbusuka aina inu yano yulilwa, nga nu kuzengela alendo mu mang'anda inu.

1 Timoti 6:17

Uwanena akama mu vintu vyamu nsi kuti yataitumika, nupya yatapaalila mu vyuma vino vitakwata uyo, suka muli Leza. Wene kwaula lusoko akatupeela vintu vyonsi ivyakutuzanzya.

1 Yoane 3:16

Twamanya vino kutemwa kwaya pano Klistu wapile umi wakwe pamulandu witu. Uli mulandu uno naswe kwene tulinzile kupeela umi witu pamulandu wa antu yauze.