Luka 11:48 - Amazwi Yakwe Leza 2013

⁴⁸ Mwemwe yakambone, nupya mwasininkizya vino vikolwe vinu vyacisile, pano vyakomile yakasema. Lyene namwe muyakuulila vipilala vya pa malindi.

Luka 11:48 ပူးပေါင်းရင်းမြစ်များ

2 Milandu 36:16

Lelo yene yasulanga yakasema yayo nu kuyaseka. Lyene umukuya manda Yawe wasuka wasoka, icakuti lyene pasi pano yangafyukila.

Yobo 15:6

Umulomo wako uli uno wakusinila, asi nene foo. Imilomo yako kwene, ali ino imakupeela umulandu.

Masamu 64:8

Pamulandu wa mazwi yao ali pano nawe alayononela, yonsi yayo alalola kweneko yalakunta sile imitwe.

Ezekelo 18:19

“Lelo mwemo munguzya muti, ‘Uzye pacani cino umwana atangapeelwa umulandu pa kwifya kwakwe isi?’ Uwasuko aewu wakuti umwana wene wacitanga ivyaololoke nupya ivisuma. Nupya wene walondelanga ningo amasunde yane yonsi, uli mulandu kwene uno wene angikalilila nu umi.

Mateo 23:27

“Kalanda kunomuli mwe yakasambilizya ya Masunde na Afaliseo! Mwe yasomvi mwe! Mukoline na malindi yano yatakasa nu mula kunzi yano kunzi yakaloleka ayembe, lelo mukasi kakweyo mwazula mafupa ya antu afwe nga ni vintu vyonsi viole.

Mateo 23:31

Vivyo kwene mukuisinila mweisikulu ukuti mwemwe ana yakwe yano akomile yakasema.

Luka 11:47

Kalanda kunomuli! Mukakuulila yakasema vipilala vya pa malindi. Yakasema yaa ayano vikolwe vinu vyakomile.

Luka 11:49

Pamulandu uu, Leza mu mano yakwe wavwanzile ati, ‘Ndayatumila yakasema na atumwa. Na munoyali yamwi yalayakoma na yamwi nao yalayazunya.’

Loma 1:32

Nanti angala yamanya vino Leza wapingula ukuti antu akacita vii yalinzile ukufwa, lelo ala yakutwalilila kuvicita, yalundapo nu kukomelezya yao akavicita.

Yakobo 5:10

Inane, iusyini yakasema yano avwanzile mazwi lino Umwene wayatumile. Lekini kuteeka kwa myenzo kuno yakweti na macuzi yao viye cilangililo kunomuli.

Yoswa 24:22

Lyene Yoswa ayanena ati, “Mwemwe yakambone mweisikulu mwenga ukuti mwatimusolola ukutumikila Yawe.” Nga nayo yavwanga yati, “Endi, sweswe tuli yakambone.”