Luka 11:4 - Amazwi Yakwe Leza 2013

⁴ Utwelele maifyo itu, vino naswe tukaelela onsi yano akatwifya, nupya utaleka tuponele mu matunko.’”

Luka 11:4 ပူးပေါင်းရင်းမြစ်များ

Utandiko 48:16

Si mungeli wino uwampuswisye mu mauzanzo onsi apolelele alumendo yaa! Si zina lyane ni zina lya vikolwe vyane Abulaamu na Isaki likalilile pa alumendo yaa! Si yavyale ana avule na kuti amu mupanda wao yaye avule!”

1 Yamwene 8:34

wemo uwayuvwa kuko kuno wikala kwiyulu. Antu yako fwandi uwayayela uluse pa maifyo yao yano yacita. Uwayaswilizya nu mu mpanga ino wapile ivikolwe vyao.

1 Yamwene 8:36

wemo ulinzile wayuvwa kuko kuno wikala ukwako kwiyulu. Uwayelela aomvi yako uluse, aina Izlaeli. Uwayasambilizya ukucita ivintu visuma, uwaleka ni mvula ukutonya pa mpanga ino we mweneco watupile, swe antu yako yano waisolwela, kuti ingaya icaupyanyi citu.

Masamu 121:7

Yawe alakucingilila uku mazanzo yonsi, alawaka umi wako.

Masamu 25:11

Pamulandu wa kucindamika izina lyako, We Yawe, unjelele amaifyo yane, pano yene yavulisya.

Masamu 25:18

Elenganya apa ntazi nu kucula kwane, nu kwelela amaifyo yane yonsi.

Danieli 9:19

We Mwene, ule utuvwe! Mwene utwelele! Mwene, uvwa kunotuli nu kucitapo cimwi! Si cincila apakuti umuntu wensi amanye ukuti wewe uli Leza! Umusumba uu uwakwako kumwi na antu kwene yaa.”

Oseya 14:2

Welini kuli Yawe, nu kumulenga muti, “Utwelele amaifyo itu yonsi. Uuvwe ni ipepo litu nga naswe tumakulumbanyanga.

Mateo 18:35

“Mu musango uli onga avino Tata uwa mwiyulu alamucitila ndi musyakwelela anyonko ni myenzo yonsi.”

Mateo 26:41

Pempulini nu kupepa kuti mutaponela mu matunko. Umwenzo ukulondesya, lelo umwili uutonte.”

Luka 11:5

Yesu auzya alondezi yakwe ati, “Uzye aweni uwa munomuli angaya ku ng'anda yakwe cuza wakwe usiku nu kumunena ati, ‘Cuza wane nkongwesye mikate itatu.

Luka 13:4

Nanti antu yaya ikumi na cinani, yano akomilwe lino ulupungu lwa mu Siloamu lwayaponile, uzye mukwelenganya vino yali akaifya kuluta antu yauze yonsi amu Yelusalemu?

Luka 22:46

Alino ayanena ati, “Pacani mukukasula? Katukini mupepe kuti mutaponela mu matunko.”

Luka 8:13

Imbezu izyaponile pa lwala, antu yano akauvwa mazwi yakwe Leza, nu kuyapokelela nu luzango. Lelo mazwi yakwe Leza yasiingila nu kwika misisi mukasi ka myenzo yao. Caleka lino nsita yakweziwa yafika, yanenuka.

Yoane 17:15

Nsyakupepa kunuli kuti uyafumye mu nsi, lelo nkupepa kunuli kuti uyasunge ningo ku mwipe wilya.

1 Kolinto 10:13

Ukweziwa konsi kuno kukamucitikila, kuli kumwi kwene ukukacitikila antu yauze. Lelo Leza wene uwakutailwa. Wene atalazumilizya kuti mweziwe kuluta pali vino mungaposya. Pa nsita ino mukweziwa, wene alamulanga inzila yakuleukila matunko pa kumupeela maka akuti muposye.

Kolose 3:13

Mwatekelana nu kwelelana lyonsi lino umwi wailizyanya pa muze. Mulinzile kwelelana ndi vino Mwene wamwelela.

2 Tesalonika 3:3

Lelo Mwene wene uwa kutailwa, nupya alamukomelezya nu kumucingilila ku Mwipe wilya.

2 Timoti 4:18

Mwene alankulula ku viipe vyonsi nga nu kunsenda mu Wene wakwe uwa mwiyulu. Aliwe kwene apelwe lulumbi manda pe! Ameni.

Yakobo 2:13

Pano Leza wene atalaya na mizu ku muntu wino atali na mizu ku yauze. Lelo pano mizu yaluta upinguzi, Leza alaya na mizu.

Umbwilo 2:10

Utuvwa intete pali vino wasya ucule. Uvwa! Muli nu kweziwa na Ciwa lino wene alalenga kuti yamwi amunomuli yayalilwe mu ng'anda yaminyololo. Na macuzi yako yalasila mu manda ikumi. Uye uwakutailwa mpaka ni mfwa, nani ndakupeela cilambu cangala icili umi wape.

Umbwilo 3:10

Pano wayela sunde lyane nu kuposya. Caleka ndakusunga ningo mu nsita yakweziwa lino iliza pa nsi yonsi, kuti yonsi aikalapo yeziwe.