Luka 11:2 - Amazwi Yakwe Leza 2013

² Lyene Yesu ayanena ati, “Lino mukupepa, mwati, ‘Tata, Izina lyako licindikwe; Uwene wako wize.

Luka 11:2 ပူးပေါင်းရင်းမြစ်များ

1 Yamwene 8:43

uli nu kuvwa kuko ukwako kwiyulu. Upeele nu mwinamasi wensi cino akulenga, pakuti imitundu yonsi ya pano nsi ice ikamanye izina lyako nu kukoopa, ndi vino antu yako aina Izlaeli yakacita. Lyene nu kumanya ali kwene pano yalasininkizya ukuti Ng'anda ii ikulu, ino nakuula ali ncende ino tulinzile twakupepela mwenemo.

2 Yamwene 19:19

Ali cino fwandi we Yawe Leza witu, tupususye kweneko uku ina Asilya, apakuti antu amu mitundu yuze iya pano nsi yamanye ukuti awewe sile uli Leza, nga kutaya namuze.”

2 Milandu 20:6

Alino avwanga ati, “We Yawe Leza wa vikolwe vitu, uzye wewe usi uli Leza wa mwiyulu? Uzye usi wewe wateekanga nu kupingula yamwene ya mitundu yonsi iya antu? Mu minwe yako mwaya amaka nu lulumbi icakuti kusi nanti wenga angacimvyanya nawe.

Masamu 103:20

Lumbanyini Yawe, mwe angeli yakwe mwensi, mwe yacindami yamaka mwemuno mukafikilizya amasunde yakwe, mwemuno mukayela amazwi yakwe ndi wamwama.

Masamu 108:5

We Leza, ilange kuko kuno waya ukwiyulu. Leka nu ucindami wako uloleke pano nsi ponsi!

Masamu 11:4

Yawe akaikala umwi sano lyakwe ilicindame. Icilimba cakwe icawene cayela apapela umwiyulu. Amanso yakwe yakalolekesya insi yonsi, ala akucevya ana ya antu.

Masamu 57:11

We Leza, ilange kuko kuno waya ukwiyulu. Leka nu ucindami wako uloleke pano nsi ponsi.

Kasambilizya 5:2

Mwatala mwelenganya lino mutali muvwange, nupya mutazakantika lino mukulaya kuli Leza. Leza wene waya umwiyulu. Lelo mwemo mwaya umu nsi. Acino mutalanda ivingi ukuluta pali vino mungacita.

Ezaya 63:16

Pano wewe kwene wewe uli Tata. Abulaamu atatumanya, Yakobo atatumanya. Lelo wemo we Yawe, wewe uli Tata, wewe uli Katuula witu pee. Ilili zina lyako ilyampiti na mpiti.

Ezekelo 36:23

Ndi cakuti nalanga antu ya mitundu yuze vino nemo naya uwamuzilo, nanti angala mwemo mwandetile insonyi kunoyali, lelo yene yalasininkizya ukuti nene indi Yawe. Ivyalanda ne Yawe Simwandalali. Nupya mwemwe kwene ndaleka mukamanyisye antu ya mitundu yuze ukuti nene ndi wamuzilo.

Danieli 2:28

Lelo kwaya Leza umwiyulu, wino akasokolola vya nkama. Wene watakulanga we mwene Nebukadineza ivilacitika mu manda akwiza. Lyene kankunene iciloto, icilolwa cino wakweti lino wakaswile.

Danieli 2:44

“Umu nsita zyakwe yakateeka yalya, Leza wa kwiyulu alakatusya uwene uno utalatala wononwe. Wene utalatala ucimviwe, lelo ulonona amawene yauze yonsi nga lyene wikalilila amanda pe.

Danieli 7:18

Lelo aswepe yakwe Leza Wapapelapela yalapokelela uwene na maka ya utesi nga yalausunga amanda pe.”

Danieli 7:27

Amaka nu ukulu wa mawene yonsi pano nsi ulapelwa ku antu yakwe Leza Wapapelapela. Amaka yao autesi yatalasila, nga na yakateeka yonsi pano nsi yalamutumikila nu kumuyela.”

Oseya 14:2

Welini kuli Yawe, nu kumulenga muti, “Utwelele amaifyo itu yonsi. Uuvwe ni ipepo litu nga naswe tumakulumbanyanga.

Aina Levi 10:3

Lyene Mose anena Aaloni ati, “Walola! Vii, avili vino Yawe wavwanzile lino watile, ‘Onsi yano yakuntumikila yalinzile kucindika muzilo wane. Ndasokolola ululumbi ku antu yane.’ ” Lelo Aaloni aimilila myaa!

Aina Levi 22:23

Ku mpolelwa yakuitemelwa mungapeela masaye nanti imfwele ino ili nu ulema nanti ituze. Lelo ku mpolelwa ya kufikilizya mulapo itangapokelelwa.

Habakuku 2:14

Lelo insi nu kukwata umanyililo wa ucindami wakwe Yawe, ndi vino yayemba yakulu yazula amanzi.

Mateo 10:32

“Cumi, namunena nati, wino wensi walanda paswe ukuti uwakwane, nani ndamucitila cili conga pa manso yakwe Tata uwa mwiyulu.

Mateo 3:2

akuti, “Zenzukini, pano Wene wa mwiyulu wati upalama pipi.”

Mateo 5:16

Mu musango uli onga kwene namwe mwaengesa wa luswepo pa antu onsi, kuti yalola imilimo inu isuma, nga yalumbanye So uwa mwiyulu.

Luka 11:1

Yesu wapepanga mu cifulo cimwi. Lino wamala, wenga uwamu alondezi yakwe amunena ati, “Mwene, tusambilizye kupepa, ndi vino Yoane Kawatizya wasambilizye alondezi yakwe.”

Loma 1:7

Caleka nalemba kalata kuli mwemwe mwensi mwe yakundwe yakwe Leza amu Loma, mwe muno mwaamwa kuti namwe kwene muye antu yakwe amuzilo. Leza Tata nu Mwene witu Yesu Klistu amupeele cikuku nu mutende.

Loma 8:15

Pano Mupasi wino Leza wamupeela asi mupasi wakumucita azya nu kumucita intete. Lelo Mupasi akamucita ukuya ana yakwe Leza nga nu kupitila mu maka yakwe, tukalilila Leza tuti, “Tata, Tata!”

1 Kolinto 1:3

Leza Tata nu Mwene Yesu Klistu amupeele cikuku nu mutende.

2 Kolinto 1:2

Leza Tata nu Mwene witu Yesu Klistu amupeele cikuku nu mutende.

Galatiya 1:4

Klistu waipile mwisikulu wa mpolelwa umulandu wa maifyo itu, pakuti tungakululwa ku mukulo uu, uwipe. Wene wacisile cii, mu kuyela Leza witu ali Tata.

Efeso 1:2

Cikuku nu mutende kufuma kuli Leza Tata nu Mwene witu Yesu Klistu viye kunomuli.

Filipi 1:2

Leza Tata nu Mwene Yesu Klistu amupeele cikuku nu mutende.

Filipi 4:20

Alumbanyiwe Leza nupya Tata witu manda pe! Ameni.

Kolose 1:2

Tukulemba kalata kuli mwe ina Kolose asolwa na Leza, mwe ina itu autailo muli Klistu. Leza Tata aye nu luse kunomuli nu kumupeela mutende.

1 Tesalonika 1:1

Kalata kufuma kuli ne Paulo na Siluvano na Timoti. Ku antu amwi uvi lyaku Tesalonika, antu yakwe Leza Tata nu Mwene Yesu Klistu. Cikuku cakwe Leza nu mutende viye kunomuli.

1 Tesalonika 1:3

Pano tukaiusya kunena Leza Tata pa utailo winu nu mulimo uwa kutemwa nga na pa upaalilo winu ukome mu Mwene Yesu Klistu.

2 Tesalonika 2:16

Mwene witu Yesu Klistu, na Leza Tata wino watutemwa, nupya mu cikuku cakwe watupeela ukomelezyo nu upaalilo,

Umbwilo 11:15

Nupya mungeli uwalenga cinimbali alizya ntandala yakwe, ngu mwiyulu muvwika mazwi akulu yati, “Ndakai akweti amaka akuteeka insi u Mwene witu na Katuula, nupya wene alateeka manda pe!”

Umbwilo 15:4

Uzye aweni atangoopa we Mwene? Uzye aweni angakana kulanda ukulu wako? Wewe wenga sile waya uwamuzilo. Antu amu nko zyonsi yaliza nu kukupepa, pano micitile yako isi yalufyengo nupya ikaloleka kuli onsi.”

Umbwilo 19:6

Lyene nuvwile izwi lino lyuvwikike kwati iumba likulu, nupya kwati kupooma kwa cipoma nu kupangalansya kukulu. Nuvwile yakuti, “Aleluya! Pano Mwene Leza witu uwa maka, ali Kateeka!

Umbwilo 20:4

Nupya ndola vilimba vya wene na yao atenzipo yapilwe maka akupingula. Alino ndola mipasi yakwe yao akomilwe pamulandu wa kukosola cumi cino Yesu wasokolwile nga na mazwi yakwe Leza. Yene yatapefile cilyanyi nanti unkolanya wakweco, nanti ukwikilwa cimanyililo caciko pa mausyu nanti pa makasa yao. Yene yaya nu umi nu kuteeka pamwi na Klistu kulingana ni myaka izimbi lyonga.