Luka 10:7 - Amazwi Yakwe Leza 2013

⁷ Ikalini mu ng'anda kwene iyo, mulye nu kumwa consi cino yamupeela. Pano muomvi alinzile apelwe malipilo yakwe. Mutapitana mu misolo.

Luka 10:7 ပူးပေါင်းရင်းမြစ်များ

Mpendwa 18:31

Ali cino mwemo pamwi na amu ng'anda zinu mungalya ivyasyala apali ponsi, pamulandu wakuti ali malipilo inu pa milimo ino mukaomba mwi Taalu lya Ukongano.

Mako 6:10

Nupya ayanena ati, “Mu ng'anda yonsi muno mwingila ndi yamupokelela, mwikale mu ng'anda kwene iyo kufika na lino mulafumamo mu musumba uo.

Luka 10:6

“Ndi muli umuntu wa mutende, ale mutende winu ulaya panoli. Ndi cisi vivyo, ale mutende winu ulamuwelela.

Luka 9:4

Konsi kuno yalamupokelela mwikale mu ng'anda ili imwi kufika lino mulafuma mu musumba uwo.

Milimo 16:15

Wene pamwi na amu ng'anda yakwe yawatiziwa, nga atwama ati, “Izini mwikale mu ng'anda yane ndi mwati mulola ukuti icumi nataila mu Mwene.” Alino atupapatila kuti twingile.

Milimo 16:34

Pacisila cakwe vii ayatwala ukwakwe nga ayapeela vyakulya. Aliwe pamwi na amu ng'anda yakwe yali nu luzango, pano ndakai yataila muli Leza.

Milimo 16:40

Paulo na Sailasi yafuma mu ng'anda yaminyololo yaya ku ng'anda yakwe Lidya. Yakomanya aina, yayanena amazwi akuyakomelezya nga yapita.

Galatiya 6:6

Muntu wino akusambiliziwa Ilandwe lya wina Klistu alinzile kwankanya visuma vyonsi vino akweti kuli wiyo akumusambilizya.

Malango 12:12

Lyene mulasansamuka pa manso yakwe Yawe Leza winu apali pamwi na ana inu, na aomvi inu, na ina Levi akaikala mu misumba inu. Mwaiusya ukuti aina Levi Yene yatapiilwe impanga ingaya impanga yao iyaupyanyi.

Malango 18:8

Wene alinzile kupelwa cipimo icili cimwi ca vyakulya ndi cico cikapelwa kuli yasimapepo yauze, nupya wene angasunga icili consi cino ang'anda yakwe yamutumila.

1 Timoti 5:13

Nupya yakasumba insita zyao mu kuzeya ku ng'anda ni ng'anda. Lelo icaipisya kuluta cakuti yene yakucita ukwakwa ni cinduvyanya, yala yakulanda vintu vitalinzile kulandwa.

2 Timoti 2:6

Mulimi wino akaombesya alinzile kuya wankolelo ukwankanyiwa vyati vizombolwa.