Luka 1:63 - Amazwi Yakwe Leza 2013

⁶³ Lyene Zakaliya ayalenga cakuti alembepo, nga alino alemba ati, “Izina lyakwe a Yoane.” Awe na antu yonsi yazunguka.

Luka 1:63 ပူးပေါင်းရင်းမြစ်များ

Mapinda 3:3

Utaleka ukuyela kwako nu kutaila kwako vikusye. Vivyo uvinyepelele umu nsingo yako, uvilembe nu mu mwenzo wako.

Ezaya 30:8

Yawe wanenyile ne Ezaya ati, “Lemba umu lupapulo lumwi, pa misango ya antu apakuti cice ciye umboni wakuyasinila uwa manda pe.”

Yelemiya 17:1

Yawe Leza akuti, “Mwe antu amu Yuda, ala iifyo linu lyalembwa ku cilembelo ca cela. Lyene lyakololwa ku nsongo yi we lyakwe daimondi apa myenzo inu na pa mpembe zya tuvuwa twinu.

Habakuku 2:2

Yawe wangaswike ati, “Lemba umbwilo uu, uulembe ningo apa vipampa, kuti umuntu uwalola awelenge ukwaula intazi.

Mateo 8:10

Lino Yesu uvwa cii, azunguka cuze, anena yano amusukilile ati, “Namunena vino ntatala nalola umuntu wa utailo wakwe uu.

Luka 1:13

Lelo mungeli amunena ati, “Utoopa Zakaliya, pano ipepo lyako lyati lyuvwika. Muci wako Elizabeti alakuvyalila umwana umonsi, alino naawe ulamutemela izina uti a Yoane.

Luka 1:60

Lelo nyina akana ati, “Awe! Izina lyakwe lino tumamutemela a Yoane.”