Luka 1:53 - Amazwi Yakwe Leza 2013

⁵³ Wataikusya anzala ni vintu visuma, na akama watayazinga yapita iminwe itupu.

Luka 1:53 ပူးပေါင်းရင်းမြစ်များ

Masamu 146:7

Akapeela acule insambu zyao, ni cakulya uku yanzana.

Masamu 34:10

Nanti angala yacisama yakatemboka uku nzala, lelo yayo afukilila Yawe pasi nanti cimwi cisuma cino yene yanguulilwa.

Ezekelo 34:29

Ndamezya ivyakulya ivya lulumbi mu vyalo vyao, mutalaya nupya ukucula uku nzala mu mpanga ni mitundu italayasuula nupya.

Mateo 5:6

Alongo antu yano yakalondesya kucita ivyawololoke vyakwe Leza ni myenzo yao yonsi. Pano Leza alayapeela vyonsi vino yakulonda.

Luka 1:54

Wataazwa yaomvi yakwe aina Izlaeli kuti aiusye kuya na mizu kunoyali.

Luka 6:21

“Alongo amwemwe mwe munomuli ni nzala ndakai. Pano mulikuta! Alongo amwemwe mwe muno mukulosya ndakai. Pano mulatekeziwa!

Luka 6:24

“Lelo kalanda kuli mwemwe mwe akama. Pano mwemo mwapokelela mpiti upemwilo.

Yoane 6:35

Yesu nawe avwanga ati, “Nene cakulya icikapela umi.” “Wino uwiza kunondi ataluvwa nzala, nga na wino uwataila ataluvwa lusala.

1 Kolinto 1:26

Inane, iusyini vino mwali lino Leza wamwamile. Mu milolekele ya untu, anono sile amunomuli yano angati ali yamano nanti ali yamaka nanti avilwe pi yanza licindame.

1 Kolinto 4:8

Uzye mukweti vyonsi vino mukalonda? Uzye mwati muya akama? Uzye mwati muya yakateeka kwaula sweswe? Nanti swemo tusivivyo? Endi, vino nalondesya kuti muye yakateeka, pakuti naswe kwene tungaya yakateeka pamwi namwe.

1 Samueli 2:5

Yao aikutanga ali yano yakupula ivyakulya, lelo yao ali ni nzala ndakai yakwikuta. Umwanaci uwali ng'umba ndakai akweti ana cinimbali, nu mwanaci uwakweti ana aonsi avule, ndakai atakweti nanti wenga.