Luka 1:48 - Amazwi Yakwe Leza 2013

⁴⁸ pano watankumbusuka ne muomvi wakwe uwaicefya! Kufuma ndakai antu amu nkulo zyonsi yamangamanga yati wewe walongo,

Luka 1:48 ပူးပေါင်းရင်းမြစ်များ

Utandiko 30:13

Nga Leya avwanga ati, “Endi, vino nazanga! Na anaci yanji yamangama yati luzango.” Caleka amutemela izina ati a Asyeli.

2 Samueli 7:8

“Ali cino, wemo fwandi pitanga ukanene umuomvi wane Davidi uti, ‘Nene ne Yawe Wamaka yonsi, anene nakufumizye kuku kuno wacemanga imfwele, nu kwiza kulasika uwene pa antu yane aina Izlaeli.

Masamu 102:17

Lyene alauvwa ni ipepo lya antu yano watazile atazyela, alata nu kusuula ukupapata kwao.

Masamu 136:23

Watwiwisye lino twazanzilwe, pano luse lwakwe ulwa pe na pee.

Masamu 138:6

We Yawe, nanti angala wacindama vivyo, lelo ukalolekesya pali yao aicefya, avilumba nayo yatange yafisame kunuli.

Masamu 72:17

Antu yangala yateezya yamwilila, nu lulumbi lwakwe lwalu kuyelelela wi lanzi. Antu ya mitundu nayo kayalumba umwene wa mpanga yao, yapapata na Leza ukuti ayapolelele, ndi vino wapolelile umwene wa mpanga yao.

Ezaya 66:2

Pano vyonsi vii, anene navicisile ni minwe yane! Vyonsi vivyo ivyakwane, lelo nemo nkaikisya amano yane ku muntu muicefye, nu wazenzuka mu mwenzo, wiyo akaoopa izina lyane, akantumikila, ali wino nemo nasumbako amano. Ivyalanda Yawe.

Malaki 3:12

Lyene antu amu nko zyonsi yalati mwapolelelwa, pano impanga inu ilaya isuma iyakwikala mwenemo.

Luka 1:28

Mungeli aiiza kunoli nga amunena ati, “Kwaita wemuno Leza wakumbusuka pakalamba! Mwene ali nawe.”

Luka 1:42

nga asanzika izwi ati, “Walongo kuluta a wewe mu anaci onsi, nupya walongo u mwana wino ulavyala.

Luka 1:45

Walongo awewe wemuno wataila ukuti vino Mwene wakunenyile vilafikiliziwa!”

Luka 1:49

pano Leza Wamaka yonsi watancitila vintu vikulu. Izina lyakwe Leza ilya muzilo.

Luka 11:27

Lino Yesu acili akuvwanga vintu vii, umwanaci umwi mwi umba asanzika izwi lyakwe ati, “Walongo umwanaci uwakuvile, wino wewe onsileko.”

1 Samueli 1:11

Hana alapa nu mulapo, ala akuti, “Iye we Yawe Wamaka yonsi, ndi cakuti walolekesya pa ulanda wane ne muzya wako, wanguvwila inkumbu, utanjilile ne muomvi wako lelo wampeela sile umwana umonsi, nani ala ndamupeela sile kunuli we Yawe pa manda yonsi yano alikala pano nsi, nu ku mutwe wakwe kutalatala kupelwe inyele.”

1 Samueli 2:8

Aliwe akanyemula apina ayafumya pa lutukumbu nu kukatusya aulilwa ukufuma pa citumba kuti ayapeele icifulo yikale na ene, kuti ayalasike pa vilimba vyaucindami. Imifula ya nsi iyakwe Yawe, nga apali pano wene wateeka insi.