Luka 1:32 - Amazwi Yakwe Leza 2013

³² Alaya mukulu nupya alaamwa u Mwana wakwe Leza uwa papelapela. Mwene Leza alamupeela uwene wakwe Davidi cikolwe cakwe,

Luka 1:32 ပူးပေါင်းရင်းမြစ်များ

2 Samueli 7:16

Uluko lwako nu wene wako vilayelelela amanda yonsi pa manso yane. Nupya uwene wako ulaya uwa manda pe.’ ”

Masamu 132:11

Awewe walavile nu mulapo kuli Davidi, ulayo uno utalafutuka uti, “Ndalasika wenga uwamu ana yako aonsi apa cilimba cako ica wene.

Masamu 132:12

Ndi cakuti ana yako aonsi yaca yamasunga upangano wane nu kuwaka amasunde yano nayasambilizya, ale lyene ana yako aonsi yalaya impyanyi zyako umuyayaya.”

Ezaya 16:5

Alino umu kutemwa amuno icilimba ca wene cilateekwa ningo. Umu cumi paliza pikale wenga, uwamu akazi kakwe Davidi, wiyo uwasakamalisya ulungami nu kuzangila ukucita vyaololoke.

Yelemiya 17:25

Alino lyene aene yao ni ntunguluzi yalingila pa mpongolo zya musumba wa Yelusalemu na maka ya kuteeka ali yamwi na yano Davidi wakweti. Aene kwene yayo pamwi ni ntunguluzi zizi, pamwi na antu aikazi amu Yuda na amu Yelusalemu yaliza ale yakwezile pa maceleta na pa mfwalasi, nga mu musumba wa Yelusalemu mulaya antu avule pee na pee.

Yelemiya 22:2

“Uvwa amazwi yakwe Yawe, we mwene waku Yuda, we muno wikala pa cilimba ca wene cakwe Davidi, ni ntunguluzi zyako na aikazi amu Yelusalemu.

Danieli 2:44

“Umu nsita zyakwe yakateeka yalya, Leza wa kwiyulu alakatusya uwene uno utalatala wononwe. Wene utalatala ucimviwe, lelo ulonona amawene yauze yonsi nga lyene wikalilila amanda pe.

Mateo 1:1

Kuu kuli kulondolola kwa mupanda wa vikolwe vyakwe Yesu Klistu, mwana wakwe Davidi, mwana wakwe Abulaamu.

Mateo 12:42

Pa wanda wa upinguzi namwene uwaku kaeya alimilila pamwi na antu amu mukulo uu nu kuyasinila, pano wapisile mpanga itali cuze kuya ku mwene Solomoni ku kuvwa mazwi ya mano kunoli. Lola, umwi mukulu kuluta Solomoni ali pano.

Mateo 28:18

Yesu nawe ayanena ati, “Napelwa maka pa viumbwa vyonsi mwiyulu na pano nsi.

Mateo 3:11

Nemo nkumuwatizya na manzi kulanga ukuti mwati muzenzuka, lelo wino akwiza pacisila cane wene uwa maka kunduta. Ntaine kusenda ndyatu zyakwe. Wene alamuwatizya na Mupasi Wamuzilo nu moto.

Mako 14:61

Lelo Yesu aya cele, atavwanzile nanti cimwi. Nupya Simapepo Mukulu amuuzya ati, “Uzye wewe uli Katuula uwalavilwe, Mwana wakwe Leza Mupolelelwe?”

Mako 5:7

apunda ni zwi likulu ati, “Yesu, we Mwana wakwe Leza uwa papelapela, uzye ukulonda cani kunondi? Lapa pa manso yakwe Leza, ukuti, utakuncuzya!”

Luka 1:15

pano alaya mukulu pa manso ya Mwene. Wene atalamwa waini nanti cikakola lelo alaya na maka ya Mupasi Wamuzilo kufuma lino atali avyalwe.

Luka 1:35

Mungeli amwaasuka ati, “Mupasi Wamuzilo uliza panuli, na maka yakwe Leza uwa papelapela yalakuvimba. Pamulandu uu, umwana wamuzilo alaamwa u Mwana wakwe Leza.

Luka 1:76

Nawe mwana we, ulaamwa kasema wakwe Leza uwapapelapela, pano ulakolelela Mwene kuya muteyanyizizya museo wakwe.

Luka 3:16

Caleka Yoane anena yonsi ati, “Wino akwiza pacisila cane wene uwa maka kunduta. Ntaine kwinama nu kusapula mikonda ya ndyatu zyakwe. Nemo nkumuwatizya na manzi, lelo wene alamuwatizya na Mupasi Wamuzilo nu moto.

Luka 6:35

Lelo temwini anisi inu nu kuyacitila visuma. Nupya mwakongwesya kwaula kupaalila kupokelela cimwi kunoyali. Lyene mulakwata icilambu cikulu, nupya mulaya ana yakwe Leza uwa papelapela. Pano wene akacita visuma kuli yano asitaizya na aipe kwene.

Yoane 12:34

Caleka iumba limunena liti, “Tuvwile mu Masunde itu vino Katuula uwalavilwe alaya nu umi manda pe. Uzye lyene wemo ungavwanga uli uti, Mwana wa Muntu alinzile kusamikwa pa cimuti? Uzye Mwana wa Muntu wii aweni?”

Yoane 6:69

Naswe twataila nu kumanya vino wewe Wamuzilo nupya wafuma kuli Leza.”

Milimo 16:17

Wene walondelanga Paulo naswe ala akupunda ati, “Antu yaa, aomvi yakwe Leza wa papelapela! Yakumunena vino mungatuulwa!”

Milimo 2:30

Wali akasema nupya wamanyile na cino Leza wamulavile. Leza walavile nu mulapo ukuti alimika umwi uwamu mupanda wakwe ukuya mwene, ndi vino Davidi wali.

Milimo 2:36

“Caleka aina Izlaeli yonsi yalinzile kumanya ningo vino Yesu wii wino mwatanyile pa lupanda awino Leza watacita kuya Umwene na Klistu.”

Milimo 7:48

“Nanti cingaya vi Leza wapapelapela asiikala mu mang'anda akulwa na antu, wakwe vino kasema wavwanzile ati,

Loma 1:4

Lelo muli umuzilo wakwe wa uleza wene wasininkiziwe pa kuzyukuka kufuma ku afwe ukuti wene Mwana wakwe Leza.

Umbwilo 3:7

“Lemba ku ntunguluzi yakwi uvi ku Filadefia uti, “Lii ilandwe kufuma kuli wino uwamuzilo nupya uwa cumi. Wene akweti mfungulo yakwe Kateeka Davidi, nupya lino wayula mulyango, kusi umuntu nanti wenga angauyala, na lino wene wauyala, kusi muntu nanti wenga angauyula.