Luka 1:24 - Amazwi Yakwe Leza 2013

²⁴ Lino papisile manda, Elizabeti muci wakwe asenda indilwa, nga afisama mu ng'anda pa myezi isano.

Luka 1:24 ပူးပေါင်းရင်းမြစ်များ

Utandiko 21:2

nga Sala asenda indilwa avyala umwana umonsi kuli Abulaamu uwali mukote. Mwana wi wavilwe mu nsita ino Leza walanzile.

2 Yamwene 4:17

Lelo umwanaci wilya asenda indilwa, nga pa nsita kwene ilya, alela umwana umonsi, wakwe muno Elisya wamunenile.

Luka 1:23

Lyene lino uluti lwa kutumikila kwakwe lwasila, apita ukwakwe.

Luka 1:25

Elizabeti avwanga ati, “Ndakai Mwene wataya na mizu kunondi, wanzeulula insonyi ku antu.”

Luka 1:5

Mu manda yakwe Helodi umwene wa Yudeya, kwali simapepo umwi izina lyakwe a Zakaliya, uwamu mpuka yakwe yasimapepo yakwe Abiya. Nu muci nawe kwene wali uwamu luko lwakwe Aloni, izina lyakwe a Elizabeti.

Milimo 1:1

We Musambazi Teofilo, Mu lupapulo lwane lwankolelo nalemvile pa vintu vino Yesu wacisile na vino wasambilizye kufuma pa nsita ino watandike milimo,