Luka 1:15 - Amazwi Yakwe Leza 2013

¹⁵ pano alaya mukulu pa manso ya Mwene. Wene atalamwa waini nanti cikakola lelo alaya na maka ya Mupasi Wamuzilo kufuma lino atali avyalwe.

Luka 1:15 ပူးပေါင်းရင်းမြစ်များ

Utandiko 12:2

Ndakupeela ana avule, nga amu mupanda wako yalavula yaye umutundu ukalamba cuze. Indi nu kukupolelela muli vyonsi nu kulenga kuti ulumbuke, na kuti nce mpolelele antu yauze mu musango uli onga.

Utandiko 48:19

Yakobo akana ati, “Awe! Manyile mwanane. Na amu mupanda wakwe Manase kwene yalaya luko lukulu. Lelo Efulemu alaya mukulu ukuluta Manase nga na amu mupanda wakwe yalaya inko zikulu.”

1 Milandu 17:8

Nayanga nawe konsi kuno wapitanga. Nacimvyanga na anisi yako yonsi. Ndakucindamika ukulingana na antu acindamisye apano nsi.

1 Milandu 29:12

Icuma nu mucinzi vikafuma kunuli. Wewe uli kateeka wa vintu vyonsi. Pano wewe wakwata amaka akucindamika umuntu ali wensi nu kumukomya.

Masamu 22:9

Ala awewe kwene wamfumizye umunda muli mayo, nga lino nali akanya, wancingilile.

Yelemiya 1:5

“Nakusolwile lino ntacili nkuumbe mu ndilwa yakwe mayo wako, Lino utali uvyalwe ala nakusonta mpiti, kuti uce uye kasema wa mitundu yonsi.”

Yelemiya 35:6

Lelo yene yangasuka yati, “Awe mukwai swemo tusyamwa waini, pamulandu wakuti icikolwe citu, Yonadabu umwana wakwe Lekabu, watupile ilamulo lyakuti, cisi cakwezya kumwa waini, mwemwe na ana inu.

Aina Levi 10:9

“Wewe pamwi na ana yako aonsi mutalinzile kwingila mwi Taalu lya Ukongano pacisila ca kumwa waini nanti cimwi cikakola. Ndi mulacita cii, mulafwa. Isunde lii, lili nu kusungwa na amu mupanda wako onsi.

Zakaliya 9:15

Yawe Wamaka yonsi alacingilila antu yakwe, nayo yalakomola anisi yao. Mu nkondo antu yakwe yalapunda wa antu ati yakoleka uwengwa, yalazwisya uwazi wa anisi yao, uno ulaazwa kwati uwazi wa mpolelwa uno yitulwila mu lweso pa kavuwa ka mpolelwa.

Luka 1:14

Lyene ulaya nu luzango ni nsansa, na antu aingi yalazanga pa kuvyalwa kwakwe,

Luka 7:28

Namunena nati, mu antu yonsi avyalwa mu nsi ii, kusi umuntu wino alusile Yoane. Lelo wino ali munono mu Wene wakwe Leza, wene ali mukulu kuluta Yoane.”

Luka 7:33

Pano Yoane Kawatizya wizile, aizilizya ukulya nu kumwa waini, namwe muti, ‘Wakwata mupasi wankota munoli’

Yoane 5:35

Yoane wakoline wa kuyengesa kwi lampi lino likwaka, nga namwe mutemwa kuzangila mu luswepo lwakwe pa nsita inono sile.

Milimo 2:4

Alino yonsi yazuziwa na Mupasi Wamuzilo nga cila muntu atandika kuvwanga mu lulimi lwa cilendo kulingana na vino Mupasi wamupeela maka yakuvwanga.

Galatiya 1:15

Lelo Leza mu cikuku cakwe wene wansolwile na lino ntali kuti mvyalwe. Wene wangamile kwiza mutumikila.

Efeso 5:18

Mutakoleka waini pano wene angamonona. Lelo muzuziwemo na Mupasi Wamuzilo.

Yoswa 3:7

Lyene Yawe anena Yoswa ati, “Vino namacita ilelo vimalenga kuti aina Izlaeli yonsi yatandike kucindamika, pakuti yamanye ukuti nemo indi nawe wakwe vino nali na Mose.

Yoswa 4:14

Uwanda ulya Yawe acindamika Yoswa sana pa manso ya ina Izlaeli yonsi. Nga antu iyamucindika mu manda ya umi wakwe onsi, ndi vino yacindikanga Mose.