Luka 1:13 - Amazwi Yakwe Leza 2013

¹³ Lelo mungeli amunena ati, “Utoopa Zakaliya, pano ipepo lyako lyati lyuvwika. Muci wako Elizabeti alakuvyalila umwana umonsi, alino naawe ulamutemela izina uti a Yoane.

Luka 1:13 ပူးပေါင်းရင်းမြစ်များ

Utandiko 17:10

Wewe na amu mupanda wako mulinzile kuzumila ukuti umonsi wensi wa munomuli alinzile kusilamulwa.

Utandiko 17:19

Leza amunena ati, “Awe cisi vivyo. Lelo umuci wako Sala alakuvyalila umwana umonsi nga nawe ulamutemela izina Isaki. Ndafikilizya upangano wane na aliwe nga na amu mupanda wakwe amanda pe. Upangano uu ulaya uwa manda pe ku ana yakwe alalondelapo.

Utandiko 18:14

Uzye kwaya cimwi icatalila Yawe? Ndi vino mvwanzile ndawela pa nsita isontwe mwaka ukwiza, mu mwezi uwalenga fundimbali Sala alavyala umwana umonsi.”

Utandiko 25:21

Umuci wakwe wali ng'umba, atakweti ana. Caleka Isaki wamupepelanga kuli Yawe. Yawe auvwa mapepo yakwe na Labeka asenda indilwa.

Masamu 113:9

Aliwe sile awino akacindamika ing'umba apa ng'anda nu kuisansamusya apa kuipeela umwana. Lumbanyini fwandi Yawe!

Masamu 118:21

Ala nemo nkukuwanzya we Yawe, pano ukuntezya, nupya awewe ukampususyako.

Ezaya 8:3

Lyene inja kuli kasema umwanaci, nga nawe asenda indilwa nga aca avyala mwana monsi. Yawe nawe ali pakunena ati, “Mutemele izina lyakwe ‘Maeli Syalali Hasyi Bazi.’

Danieli 10:12

Lyene mungeli wilya anena ati, “We Danieli, utuvwa intete. Leza uvwa amapepo yako ukutandikila sile pa wanda uno wemo welenginye ukuicefya apakuti upelwe ukwiluka. Nani natiniza apa kwasukwa kwi pepo lyako.

Oseya 1:4

Lyene Yawe anena Oseya ati, “Umutemele izina lyakuti Yezileele, pano apacisila ca nsita inono sile nasya imvunuke ang'anda yakwe Yeu pamulandu wakuti wene wakomile antu avule uku Yezileele, nga ndalenga uwene wa Izlaeli ukwiza uku mpela.

Oseya 1:6

Gomeli nupya kwene asenda indilwa nga aca avyala umwana umwanaci. Lyene Yawe anena Oseya ati, “Umutemele izina uti, ‘Atatemwikwa,’ pano aina Izlaeli ntalayatemwa nupya nanti ukuyelela amaifyo yao.

Mateo 1:21

Wene alavyala umwana umonsi nawe uce umutemele izina uti a Yesu, pano wene alatuula antu yakwe kufuma ku maifyo yao.”

Mateo 14:27

Lyene lilyo kwene Yesu nawe avwanga kunoyali ati, “Posyini! Anene! Mutoopa!”

Mateo 28:5

Alino mungeli anena anaci yaya ati, “Mutoopa, pano manyile vino mukulonda Yesu, wino watanyilwe pa lupanda.

Mako 16:6

Nawe ayanena ati, “Mutaya ni ntete.” Manyile vino mukulonda Yesu uwaku Nazaleti, wino watanyilwe pa lupanda. Asimo muno, watazyukuka! Lolini pano yamwisile aepa.

Luka 1:14

Lyene ulaya nu luzango ni nsansa, na antu aingi yalazanga pa kuvyalwa kwakwe,

Luka 1:30

Lelo mungeli amunena ati, “Utoopa, Maliya, pano Leza watakukumbusuka.

Luka 2:21

Pa wanda uwalenga cinani, lino nsita yafisile iyakuti mwana asilamulwe, yamutemela izina lyakuti Yesu, izina lino mungeli wamutemile ala nyina atali asende indilwa.

Milimo 10:31

avwanga ati, ‘Konelio! Leza watauvwa ipepo lyako nu kumanya imilimo yako iya luse.

Yakapingula 6:23

Lelo Yawe amunena ati, “Umutende uye nawe. Utuvwa intete. Utakufwa, awe.”

1 Samueli 2:21

Yawe nawe pali pakuvwila Hana uluse. Hana aca akwatilapo ana nayauze, aonsi yatatu na anaci yaili. Lelo Samueli wene akula umu kutumikila Yawe.